Жиркова Февронья Васильевна (1917 г.р.)

 

Мин эбээм Февронья Васильевна Жиркова 1917 с. Доллу нэһилиэгэр Елена Прокопьевна уонна Василий Самсонович Жирковтар дьиэ кэргэннэригэр бастакы оҕонон күн сирин көрбүтэ.

1931 сылтан колхозтарга бөдөҥсүтүү саҕаламммытыгар, Доллу Бэрдьигэстээҕин 4 кылаастаах оскуолатын бүтэрбит 14 саастаах кыыһы, суруксутунан аныыллар, итинэн кининэһилиэккэ үлэтэ саҕаланар.

Кини 1934 с. комсомол кэккэтигэр киирэр, онон Доллу нэһилиэгин бастакы комсомолларыттан биирдэстэрэ буолар.

Сэрии иннинэ библиотекарь үөрэҕин бүтэрэн, республикатааҕы Пушкин аатынан библиотекаҕа үлэлии сырыттаҕына 1940 с. комсомол комитетын сорудаҕынан Токо оройуонугар (билигин Өлүөхүмэ улууһугар киирсэр) үлэҕэ барар. Токоҕа оройуоннааҕы военкомакка үлэлиир, ону тэҥэ Осоавиахим инструкторынан үлэлиир. 1944 с. дойдутугар кэлэн М. Горька аатынан колхозка суотчутунан үлэлиир.

Сэрии кэминээҕи үлэтин учуоттаан 1945 с. “Аҕа дойдуну көмүскүү Улуу сэрии 1941-1945 с.с. килбиэннээх үлэтин  иһин” мэтээлинэн наҕараадаламмыта. Ону тэҥэ кэккэ юбилейнай мэтээллэринэн, “Тыыл ветерана” знагынан наҕараадаламмыта.

1952 с. Кэбээйигэ көһөн тиийэн баран 1952-64 сс. Кэбээйи орто оскуолатыгар буҕаалтарынан 1964-1965 сс. Оскуола интернатыгар сэбиэдиссэйдиир 1966-68 сс. Кэбээйи сельсоветыгар буҕаалтардыыр.

1968 с. дойдутугар кэлэн М. Горькай аатынан совхоз Күөллэрики отделениятыгар кассир-буҕаалтарынан улэлиир. 1973-79 сс. 4-с нүөмэрдээх Төҥүлүтээҕи СПТУ-га коменданныыр.

1983 с. мин төрөөбүт сылбар ийэм Агния Спиридоновна дойдутугар көһөн кэлбиппит. Эбээбит биһигини батыһан Табаҕаҕа олохсуйбута, сиэннэрин көрөн-истэн улаатыннарсан дьоммор күүс-көмө буолбута. 1993 с. 76 сааһыгар күн сириттэн барбыта.

Онон эбэбит Февронья Васильевна Жиркова дьоһуннаах олоҕу олорон, үлэлээн — хамсаан ааспытынан, биһиги дьиэ – кэргэн киэн туттабыт.

 

Автор:  Туяра.А.Жиркова