Заровняева Анна Васильевна (1927 г.р.)

 

ЭДЬИИЙБИТ МЕХАНИЗАТОРЫНАН УҺУННУК ҮЛЭЛЭЭБИТЭ

Биһиги аҕабыт бииргэ төрөөбүт балта Анна Васильевна 1927 сыллаахха төрөөбүт. Аҕалара оһолго өлбүтүн кэннэ Аананы эбэтэ аах ылан ииппиттэр. Эдьиийбит хас кылаас үөрэҕи бүтэрбитэ биллибэт. Холкуостаах оҕото холкуостаах буолан кыра эрдэҕиттэн эмиэ үлэни өрө туппута. Ол үлэлии сырыттаҕына, холкуоһун салалтата кинини 1952 сыл ахсынньытыгар Дьокуускай куоракка тыа хаһаайыстыбатын үлэтин механизациялааһын үөрэ5эр ыыппыт. Анна Васильевна бу үөрэҕин 1953 сыл алтынньы ыйга бүтэрбит. Ону туоһуулуур 65713-дээх сибидиэтилистибэтэ 12 №-дээх боротокуола суруллан, 1953 сыл алтынньы 30 күнүгэр бэриллибит. Эдьиийбит ити үөрэ5эр «тыраахтар биригээдэтин биригэдьиирэ» диэн идэни ылбыт.

Дьон кэпсииринэн, оччолорго МТС-тар тыраахтардара нэһилиэктэргэ тахсан сири оҥорууга үлэлииллэр эбит. Сэрии кэнниттэн тыыннаах хаалбыт механизатордар дойдуларыгар эргиллэн уонна сэрии саҕанааҕы оҕолор ситэн-хотон элбэх киһи тыраахтар уруулугар олорбут. Сэрии саҕана тыраахтарга үлэлээбит дьахталлар үксүлэрэ бу үлэттэн уурайан, ыал-күүс буолбуттар, оҕо-уруу төрөппүттэр. Арай биьһиги эдьиийбит Анна Васильевна өр сылларга, доруобуйатын сүтэриэр диэри тыраахтарынан үлэлээн элбэх бааһынаны солоспут, сири тириэрдибит, бурдугу үүннэрбит. Кини баара суоҕа 51 сааһыгар 1978 сыллаахха ыарахан ыарыыттан өлөр. Уус-Алдан улууһун, улуус механизатордарын ортолоругар, чуолаан МТС тырахтарыыстарын тахсыылаах улэлэригэр кини аата көмүс буукубанан суруллубута.

 

 

Автор: Е.В.Аржакова