Замятина Анна Исаковна

Анна Исаковна 1912 сыллаахха бала5ан ыйын 17 кунугэр Уус Алдан улууһун өнөр нэьилиэгэр төрөөбүтэ. Кини оскуола5а үөрэнэ сылдьан кыргыттартан бастакынан пионерга, комсомолга киирбитэ. Оскуоланы бүтэрэн 1931 сыллаахха Якутскайдаа5ы педагогическай техникумна киирэн учуутал идэтигэр 3 сыл үөрэнэн, үөрэ5ин бутэрэн, Уус Алдан улууьугар учууталынан анаммыта. Онтон ыла улуус араас оскуолатыгар учууталынан, директорынан өр сылларга үлэлээбитэ.

А5а дойду ыар сэриитин кэмигэр Орто-Эбэ оскуолатыгар директорынан ананан үлэлии кэлбитэ. Эр дьон бары сэриигэ баран. Оскуола5а дьахтар учууталлар эрэ хаалбыттара. Оскуолата эргэ, ремона суох буолан о5олорго үөрэнэргэ усулуобуйа тэрийэн ремоннатан үлэлэппит. Олоппостору, паарталары, остуоллары бэйэлэрэ онорбуттар. Түннүк тааьын эмиэ бэйэлэрэ быһан, таастаан туруорбуттар. Оччолорго оһох оттон оскуоланы сылыталлар эбит. Оттук маһы бэйэлэрэ мастаан, эргэ өтөхтөрү көтүрэн, эрбээн бэлэмнииллэр эбит. Тулаайах о5олору интернат аһан, онно ылбыт. Ас, танас суох буолан элбэхтик аччыктааһын тахсыбыт. О5олорго бурдугу ууга, аьыйбыт үүккэ буккуйан хааһылаан сиэтэллэр эбит. Оскуола о5отугар ыйга 3 киилэ бурдугу ыйаан түнэтэллэр эбит. Ол бурдук хайдах да ыйга тиийбэт кы һал5атыттан директордар мунньахтарыгар туруорсан 70-ча о5о5о миэстэ көрдөөбүт, ону 40 о5о миэстэтин Анна Исаковна сирэй эппиэтигэр биэрбиттэр. Сыралаах үлэ түмүгэр о5олор бары аччыктааһыны этэннэ туораабыттар.

Саас кыстык мастарын оскуола о5олорун кытта саһааннаан, сайын окко киириэх иннинэ оскуоланы ремоннууллара. Учууталлар үлэлэрин таһынан нэһилиэнньэ5э күүтүүлээх агитатордар этилэр. Оскуола о5олорун илдьэн концертаталлара, барыта фронт туһугар диэн харчы, түүлээх танас хомуйаллара. Сайынын колхозка көмөлөһөн о5олор, учууталлар бары окко ү лэлииллэрэ. Ити сыралаах үлэтин иһин Анна Исаковна «За Доблестный труд в ВОВ 1941-1945г.» медалынан на5араадаламмыта.

Кэлин сэрии кэнниттэн араас оскуолаларга үлэлээбитэ. География, история предметтэрин биэрбитэ. Кылгас кэмнэ САССР совнаркомугар инструктарынан үлэлии сылдьыбытэ. Нэһилиэнньэ ортотугар ыытыллар ү лэлэри оскуола директордара салайан ыыталлар эбит. Ол курдук, совет депутатынан, народнай суут сэтээтэлинэн, комсомольскай тэрилтэ секретарынан, райком пленумун чилиэнинэн, комсомольскай тэрилтэ секретарынан, райком пленумун чилиэнинэн, пионерскай тэрилтэ салайааччытынан үлэлээбитэ — барытын үлэтин таһынан эбии толорбута.

Анна Исаковна Замятина- үгүс сыралаах үлэтэ элбэх мэтээллэринэн, бочуотунай грамоталарынан бэлиэтэммитэ. Элбэх о5о тапталлаах учуутала о5ону-ыччаты иитиигэ 33 сыл устата, ол иһигэр 14 сыл оскуола директорынан үлэлээбитэ.

Д. Колодезникова, 4 кылаас