Захарова Матрена Александровна (1928-2017 гг.)

Аҕа дойду сэриитин кэмигэр Чурапчыттан хоту көһөрүллүү кыттыылааҕа, үлэ уонна тыыл бэтэрээнэ.

Мин хос эбээм Захарова Матрена Александровна 1928 сыллаахха олунньу ый 2 кунугэр Чурапчы улууhун Төлөй нэhилиэгэр элбэх о5олоох ыалга күн сирин көрбутэ. Кини тыыл, үлэ ветерана, Чурапчы көhүүтүн кыттыылаа5а, сэрии огдообото, Нам улууhун бочуоттаах олохтоо5о, 2-с Хомустаах нэhилиэгин ытык киhитэ, «Үлэ5э килбиэнин иhин» мэтээллээх. Үйэтин тухары совхозка ыанньыксытынан, кэлин о5уруокка үрдүк таhаарыылаахтык үлэлээбитэ.

А5а дойду Улуу сэриитин ыар кэмнэригэр 1942 сыллаахха төрөөбүт алаастарыттан күүс өттүнэн көһөрүллүбүттэрэ. А5алара эрдэ олохтон туораан, ийэлэрэ алта о5олоох тулаайах хаалан эрэй бө5өтун көрбүттэрэ. Ол тымныы ардахтаах күһүн борохуотунан устан Кэбээйи улууhун Таас Тумус биэригин булбуттара. Тыыннаах хаалар туhуттан күүскэ үлэлээн-хамсаан, олохторун -дьаhахтарын тэринэн, балыктаан аhаан олорбуттара.

1944 сыллаахха Чурапчылары төттөрү дойдуларыгар көһөрөр туhунан бирикээс кэлбитигэр, хос эбээм аах сатыы уhун айанна туруммуттара. Ол иhэн Нам улууhун 2-с Хомустаах нэhилиэгин  булан, иккис төрөөбүтт дойду оностон, о5о – уруу төрөтөн а5а ууhун тэниппиттэрэ.

Мин хос эбээм Матрена Александровна үйэтин тухары үлэни өрө туппут, үлэ5э оло5ун анаабыт киhи буолар. Кини олус күүстээх санаалаа5а, эйэ5эс майгылаа5а, аhыныгас дууhалаа5а. Хомойуох иhин, кини 2017 сыллаахха 89 сааhыгар биhиги кэккэбититтэн туораабыта.

Мин хос эбээбинэн киэн туттабын. Кинини хаhан да5аны умнуом суо5а!

 

 

Автор: Аина Борисова, ученица 4 «б» класса. МОБУ «Саха гимназия»