Захарова Аксинья (Устинья) Егоровна

Улэ, тыыл ветерана,

Мэҥэ-Хаҥалас улууһун бочуоттаах олохтооҕо,

тыа хаһаайыстыбатын бочуоттаах ветерана

Ийэбит, эбээбит, хос эбээбит Захарова Аксинья (Устинья) Егоровна 1932 сыллаахха тохсунньу 23 күнүгэр Мэҥэ-Хаҥалас улууһун Ходоро нэһилиэгэр күн сирин көрбүтэ.

Сэрии саҕаланар сылыгар 1941 cыллаахха оскуолаҕа киирэр, 4 кылаас үөрэхтээх. Үөрэх бүттэ да, улахан дьону кытта тэҥҥэ туох баар  бары  үлэҕэ көмөлөһөллөрө. Бурдук ыһыллыбыт бааһыналары  аһыҥаттан харыстаан дьаама хаһаллара, оҕус сиэтэллэрэ, уу ото охсуллубутун атах сыгынньах сылдьан ууттан орууллара. Бу ыарахан кэмҥэ салгыы үөрэммэккэ, дьонугар көмө буолаары, фермаҕа арыыһытынан үлэлиир.Үүтү барытын илиинэн сэппэрээтэрдиир, сүөгэйин таптайан арыы онорон илдьэн, туттарар эбит. 16 саастааҕар совхозка ыанньыксытынан үлэҕэ киирэр. 1953 сыллаахха эһээбитин, хос эһээбитин кытта Захаров Дмитрий Ефимовичтыын  ыал буолаллар. Эһээбит Улуу кыайыыны уһансыбыт сэрии ветерана, инвалида. Медик идэлээх. Кинилэр 9 оҕону төрөтөн, иитэн улаатыннарбыттара.

Өбүгэлэриттэн бэриллибит үлэҕэ бүгүрү сыһыаннаах буолан үлэтигэр  үрдүк ситиһиилэри ситиспитэ. 1973, 1975,1979, 1980 сылларга социалистическай күрэхтэһии кыайыылааҕа, 1980 сыллаахха коммунистическай үлэ ударнига буолан, Москваҕа Бүтүн Союзтааҕы тыа хаһаайыстыбатын быыстапкатыгар барар путевканан наҕараадаламмыта. 1981 сыллаахха биир ынахтан 3000 лиитэрэ үүтү ыан оройуоҥҥа  «Чемпион ыанньыксыт» үрдүк ааты сүкпүтэ. 1982 сыллаахха уопсайа 34 сыл ыанньыксыттаан бочуоттаах сынньалаҥҥа тахсыбыта.

Наҕараадалара:

  1. Медаль «Материнство 2 ст.» — 1963г.
  2. Медаль «Материнство 1 ст.» — 1965г.
  3. Знак «Победитель соц.соревнования» — 1973, 1975, 1979, 1980г.
  4. Орден «Материнская Слава 1 ст.» — 1978г.
  5. Знак «Ударник коммунистического труда» — 1981г.
  6. Занесена в книгу Почёта Мегино-Кангаласского улуса – 1982г.
  7. Медаль «50 лет Победы в ВОВ» — 1995г.
  8. Медаль «Маршал Советского Союза Жуков» — 1996г.
  9. Медаль «60 лет Победы в ВОВ» — 2005г.
  10. «Почётный гражданин Ходоринского наслега» — 2009г.
  11. Медаль «65 лет Победы в ВОВ» — 2010г.
  12. Почётный знак «Ветеран сельского хозяйства Якутии» — 2012г.
  13. Медаль «70 лет Победы в ВОВ» — 2015г.
  14. Благодарственное письмо Вице Президента РС(Я) – 2017г.
  15. Почётный гражданин Мегино-Кангаласского улуса – 2017г.
  16. Үлэ, тыыл ветерана,
  17. Медаль «За доблестный труд в ВОВ»

 

Биһиги бары ийэбитинэн, эбээбитинэн, хос эбээбитиэнн киэн туттабыт! Кини курдук кытаанах санаалаах, үлэһит дьон буоларга дьулуһабыт.

Ааптар: хос сиэнэ А.Иванова