Захаров Гаврил Дмитриевич 1937г.р.

Мин хос эһээм аата Захаров Гаврил Дмитриевич. Кини 1937 сыллаахха ахсынньы 7 күнүгэр Захаровтар дьиэ кэргэттэригэр биэс оҕоттон бастакы оҕонон Таатта улууһун Хара-Алдан нэһилиэгэр күн сирин көрбүтэ.

Кини түөрт саастааҕар Аҕа дойду сэриитэ саҕаламмыт. Оччолорго сут-судурҕан уонна сылдьар сирэ да тэйиччи буолан оскуолатын ситэ бүтэрбэтэх. Ол эрэн кэнники ситэ үөрэммит. Оҕо сааһыттан аҕатын кытта «Төрүттэнии» холкуос балык артыалыгар 25% хамнастанан, биригээдэҕэ үлэтин саҕалаабыта. Аҕа дойду сэриитин кэмигэр үс муннуктаах хара сурук кэлэр этэ,  ону тутаны таһалларын өйдүүрүм диирэ. Кини аҕатын кытта балыктаан сэриигэ ыыталлара эбитэ үһү, онтон ийэтэ куобах үтүлүк, бэргэһэ тигэн сэрии фронугар көмөлөспүттэр.

1943 сыллаахха саас хаардаахха Бараайы таас үрэх төрдүгэр Хомукаанчай тааһыгар Эмиэрикэттэн перегоннанан иһэр сөмөлүөт мунан, хонон ааспыта диэн эһээм кэпсээччи.

Эһээм суоппар үөрэҕин үөрэнэн, Советскай партийнай школа5а инструктор суоппарынан, автоделаҕа преподавателинан үлэлээбитэ уонна аэропортка сөмөлүөттэри бэрибиэркэлээн, собуоттаан көтөргө бэлэмниирэ.

Төрөөбүт совхоһугар бэриниилээхтик үлэлээбитэ. Ол туоһута, В.А. Штыров «Заслуженный работник транспорта РС(Я)» мэтээлинэн наҕараадаламмыта.

Кини ураты чиэһинэй, күүстээх санаалаах этэ. Биһиги бары эһээбитин олус күүскэ таптыыбыт уонна убаастыыбыт. Мин эһээм килбиэннээх үлэһит, дьоһуннаах олоҕунан киэҥ туттабыт! Биһиги оҕолор сэрии бэтэрээннэригэр, тыыл бэтэрээннэригэр уонна сэрии сылларын оҕолоругар махтанабыт, сүгүрүйэбит!

Screenshot

Д. Горохова. 5  кылаас