Янкова (Лаппахова) Лина Филипповна (1933 г.р.)

«Хос эбээм оло5о – номох кэриэтэ»

Янкова (төрүү Лаппахова) Лина Филипповна, үлэ-тыыл ветерана, 1933 сыл сэтинньи ый 25 күнүгэр Өлүөхүмэ улууһун 2-Нөрүктээйи нэһилиэгэр төрөөбүтэ. Бииргэ төрөөбүттэр 3 оҕо, улахан убайдара өлбүттэрин кэннэ кыыстарын абааһыттан куоттаран Тоня диэн хос ааттаабыттар. Аҕалара эрдэ өлбүт, онтон ийэтин ыраах сытар сиргэ Төгөөннө сүөһү көрдөрө ыыппыттар. Иннэ гынан Тоня тулаайах хаалан Абаҕа нэһилиэгэр Осиповтарга иитиллибит. Кини сэрии саҕаланарыгар 2-Нөрүктээйи оскуолатыгар үөрэнэр 8 саастаах о5о эбит. Сэрии сылларын этинэн-хаанынан билэн улааппыт, ол туһунан оҕолоругар, сиэннэригэр куруук кэпсиир, ахтар-саныыр этэ.

«Сэрии саҕаламмытын туһунан ыһыах буола турдаҕына биллэрбиттэрэ, ыһыахтыы сылдьар дьон бары ытаспыттара» — диирэ.

Тыылга хаалбыт дьахталлар, кырдьаҕастар, ыарыһах дьон, сэриигэ барбыт дьону солбуйан, туох баар үлэни барытын оҥороллоро.

Эбээбит кыра эрдэҕиттэн от-бурдук, хортуоска үлэтигэр, сылгы-сүөһү иитиитигэр сылдьыспыт. Сэрии сылларыгар холкуоска ньирэй көрүүтүгэр уонна бурдук тардыытыгар хоһуун үлэһит эбит.

Сэрии кэннэ олох бытааннык көммүт. Эбээбит оскуолатын 7 кылааһынан бүтэрэн, колхозка ньирэй көрөөччүнэн үлэҕэ киирбит. Онтон Дьокуускайдааҕы медучилищеҕа акушер- гинеколог үөрэҕэр киирбит эрээри, ыалдьыбыт ийэтин көрөөрү ситэри бүтэрбэтэх.

1956-59сс үчүгэй үлэһит быһыытынан уопут атастаһа Бүлүү улууһугар олорбут.

1960 сылга Ким Гаврильевич Янковтуун ыал буолан, 5 оҕоломмуттар (Наталья, Лена, Андрей, Алексей, Оксана).

1973с кэргэнин олоҕо быстан, соҕотох оҕолорун бүөбэйдээн, киһи-хара онорон барыларын үөрэхтээх дьон оҥорон улаатыннартаабыт.

2018с атырдьах ыйыгар 84 сааһыгар күн сириттэн барбыта.

Эбээбит аһыныгас амарах сүрэхтээх киһи буолан, дьоҥҥо тириини, тыһы талкылаан сып-сымнаҕас гына имитэн, этэрбэс тигэн биэрэрэ.

«Аныгы олоххо оҕолор сайдалларыгар – үүнэригэр наадлаах усулуобуйа барыта баар, онон үөрэхтээх, үлэһит дьон буолуҥ» — диэн өрүүтүн этэр эбит.

Кини олоҕо, үлэтэ,ситиһиитэ оҕолоругар, 16 сиэннэригэр, 13 хос сиэннэригэр үйэлээх үтүө холобур буолар.

Лина Филипповна – эппиэтинэстээх үлэһит, активист, комсомол, коммунист партия олохтоох кэмитиэтин бэринилээх чилиэнэ, дьахталлар сэбиэттэрин бэрэссэдээтэлэ, элбэх мэдээллэрдээх, наҕыраадалаах, хайҕабыл уонн махтал суруктардаах.

 

 

Автор: А.Янков, ученик 2 класса.