Дата рождения: 1930-02-10
Место рождения: Намцы,Хамагатта
Место работы: Хамагатта
Должность: совхоз
Воспоминания: Мин хос эбээм — Винокурова Вера Николаевна, 1930 сыл-ха, олунньу ый 10 күнүгэр, Салбаҥ нэһилиэгэр төрөөбүтэ.
Кини 6 саастааҕар, дьоно  Хамаҕаттаҕа көһөн киирбиттэрэ. Ийэтэ Винокурова  Анна Николаевна фермаҕа ыанньыксытынан, эдьиийэ Евдокия асчытынан ( үүт сүүрдээччинэн), аҕата Николай Семёнович араас үлэҕэ үлэлээбиттэр.
Хос Эбээм сэрии сылларыгар, сайынын оҕолору кытта окко үлэлээбит, от бугуллууллар.
Күһүн бурдук таттарыытыгар үлэлээбит, хаар түһүөр диэри.
Кыһын Долохоноҕо ферма тас үлэтигэр анаабыттар, ол курдук 4 доярка сүөһүтүн аһатара. Сопоҕор сулумах диэннэр, Орто алааска үлэлэтэ ыыталлара,субай сүөһүнү аһаттара, сүрдээх ыарахан үлэ этэ.
Совхоз буолуор диэри итинник үлэлээн оҕо сааһа, эдэр сааһа ааспыттара.
Совхоз тэриллибитигэр ыанньыксытынан, ньирэй көрөөччүнэн Бардыалаах сайылыгар пенсияҕа тахсыар диэри үтүө суобастаахтык үлэлээн ааспыта.
1980 сыллаахха пенсияҕа тахсыбыта.Үлэ, тыыл ветерана, Нэһилиэк Ытык киһитэ, Коммунистическай үлэ ударнига, Социалистическай куоталаһыы кыайыылааҕа, өр сыллаах үлэтэ совхоз, оройуон бочуотунай грамоталарынан, эҕэрдэ суруктарынан бэлиэтэммиттэрэ.
Сталин, Хрущев, Кыайыы юбилейнай мэтээллэринэн наҕараадаламмыта.
—
Автор записи: Харитонова Адриана Ариановна