Винокурова Екатерина Васильевна (19.02.1932 — 18.05.2008 гг.)

Винокурова (Софронова) Екатерина Васильевна 1932 сыл олунньу 19 күнүгэр Орто Халыма Лобуйатыгар төрөөбүт. Винокурова Екатерина Васильевна «За доблестный труд в Великой Отечественной войне 1941-1945 гг.»мэтээлинэн наҕараадаламмытын туһунан «Память. Книга 7: Поименная книга — мемориал вытыранам тыла, награжденным в 1946-1950гг. медалью «За доблестный труд в Великой Отечественной войне1941-1945 гг.» кинигэҕэ Среднеколымскай куорат списогар 319 сирэйгэ аата сурулла сылдьар.

Аҕата Софронов Василий Егорович, II рангалаах капитан, 1936 сыллаахха Халыма Зырянка икки ардыгар буксуур тоҕо тэбиитигэр өлбүтүн борохуотунан өр көрдөөбүттэр эбит.

Ийэтэ Гуляева Мария Николаевна 1938 сыллаахха өлөн биэс оҕо тулаайах хаалбыттарын үс аҥы ииттэрэ биэрбиттэр. Алта саастаах Катяны эһэтэ Гуляев Николай Саввич иитэ Өлөөкө Күөлгэ илдьэ барбыт. Оҕонньор хараҕынан мөлтөх да буоллар имииһит буолан айахтарын син ииттэн олорбуттар. Үс обургу оҕону Магаданнааҕы детдомҥа ииттэрэ ыыппыттар. Үс ыйдаах кыра Клаваны Габышевтар иитэ ылбыттар.

Екатерина Васильевна 1945 – 46 сс. Илимниир оскуолатын 2-с кылааһын үөрэнэн бүтэрэн баран, сааһа ыраатан 14 сааһыттан араас үлэҕэ үлэлиир. 1950 сыллаахха эһэтинээн, Кулгут оҕонньордуун Эбээххэ көһөн кэлбиттэр.

1951 сыллаахха Винокуров Гаврил Дмитриевичка кэргэн тахсыбыт.  Кэргэнэ Гаврил 1917 (1918 докумуонунан) сыл төрүөх сэттэ оҕолоох ыалга төрөөбүт. Сэрии саҕана үп агенынан үлэлээбит. Кэлин таһаҕас таһыытыгар кытта үлэлии сылдьыбыт. Эдэр сааһыттан ыарыһах эбит.

Екатерина Васильевна Эбээх холкуоһугар хонтуораҕа остуораһынан үлэлиир кэмигэр муоста сууйар, 3 оһоҕу оттор эбит. Оҕуһунан мас таһар, хайытар эбит.

1961 сыл Среденколымскай куоракка көһөн киирэн Екатерина Васильевна балыыһаҕа санитаркалаабыт. Кэргэнэ бухгалтердаабыт.

1971 сыллаахха Эбээххэ төннөөт Екатерина Васильевна торбос, ыччат сүөһүнү иитиигэр 1974 сылга диэри үлэлиир. Онтон пенсияҕа тахсыар дылы Эбээх балыыһатыгар үлэлиир.

Екатерина Васильевна кэргэнинээн Гаврил Дмитриевичтыын 7 оҕоломмуттара. Билигин бары атахтарыгар туран Орто Халыманан, Мирнэйинэн, Дьокуускайынан, Томпонон, Иркутскайынан тэнийэн олороллор.

Екатерина Васильевна дьиэ кэргэнин туһунан «Үлэнэн сэриини кыайбыттар» диэн кинигэҕэ билсиэххитин сөп.

 

Ахтыыны хомуйда  Т.Винокуров, 3 кылаас үөрэнээччитэ.

Винокурова Е.В. мэтээллэрэ