Винокуров Николай Софронович (1918 г.р.)

 

Төрүччүбэр киэҥ туттар киһибит – хос эһэбит– сэрии, тыыл ветерана

Винокуров Николай Софронович туһунан.

Биһиги хос эһэбит  Винокуров Николай Софронович, кини сэрии уонна тыыл ветерана.

Хос эһэбит  Винокуров Николай Софронович 1918 сыл олунньу ый 10 күнүгэр Мэңэ-Ханалас улууһун Дьаңхаады нэһилиэгэр, Сөдүөччүйэ уонна Софрон Винокуровтар дьиэ-кэргэннэригэр төрөөбүтэ. 9 о5оттон саамай кыралара 3 ыйдаах, саамай улаханнара 14 саастаах эбит.       Хос эһэбит  1928 сыллаахха «Өмүкэй»  оскуолатыгар үөрэнэ киирбит. 6 километрдаах сиртэн сылдьан 4 сылынан начальнай  оскуоланы бүтэрбит. Олохторо ыарахан буолан салгыы үөрэммэтэх. Оскуола5а үөрэнэ сылдьан 1929 с. пионерга, 1931 с. комсомол кэккэтигэр киирбит. Начальнай оскуоланы бүтэрээт 2 сыл кэриңэ Дьаңхаады нэһилиэгин сэбиэтигэр секретардаабыт.

1934 сыллаахха советскай-партийнай оскуола5а үөрэммит. 1935 сылтан 1941 сыллаахха сэрии буолуор дылы «Революция» колхозка суоччутунан үлэлээбит.

1941 сыл атырдьах ыйын 14 күнүгэр армия5а ыңырыллан повестка ылан, комиссияны баран армия5а колхозтан 14 буолан А5а дойдуларын көмүскүү, кыргыс толоонугар аттаммыттар. Бала5ан ыйын са5аланыытыттан, ахсынньы ый иккис аңаарыгар дылы Иркутскай уобаласка «Мальта» станциятаа5ы байыаннай лаа5ырга олохсуйан маңнай радиһынан, кэлин минометка үөрэммит.

1942 сыл тохсунньу саңатыгар Ленинградскай фроңңа тиийбиттэр. Фроңңа 198-с стрелковай дивизия 1027-с полкатыгар минометчик быһыытынан сэриилэспит.

Николай Софронович фроңңа да сырыттар төрөөбүт колхоһун туһунан сибээһи мэлдьи тута сылдьара. Ол курдук «Көхтөөхтүк үлэлээң» диэн ыңырыы суругу «Кыым» хаһыат редакциятыгар ыытан бэчээттэттэрбитэ. 1942 сыл кулун тутар ый 29 күнүгэр минометынан уот аһа туран күнүс 2 чаас са5ана өстөөх минометынан ытар точкатыгар түбэһэн, миномет минатын оскуолкатыттан араанньы буолан эмкэ атаарыллыбыт.

Хос эһэбит  сэриигэ кыттыбыт на5араадалара:  «Бойобуой үтүөлэрин иһин», «Германияны кыайыы иһин», уонна юбилейнай мэтээллэр, «А5а дойду сэриитин 2 степеннээх» орденнаах.

Уонна кыайыы туһугар аны үлэ фронугар туруммута. Сэрии кэмнэригэр үлэлээбитигэр   «А5а дойду сэриитин кэмигэр килбиэннээх үлэтин иһин» мэтээлинэн на5араадаламмыта.

 Фронтан кэлээт 9 хонон баран, фроңңа барыан иннинээ5и үлэтигэр суоччутунан 1953 сыллаахха дылы үлэлээбит. 1954 сылтан 1969 сыллаахха дылы бөдөңсүйбүт Герой Попов аатынан колхозка,  онтон совхозка бухгалтерынан үлэлээбит.  1969 сыллаахтан 20 сыл устата тыа харыстабылыгар леснигынан эңкилэ суох үлэлээбитэ. Ол туһунан ахсаана биллибэт  грамоталара, махтал суруктара, «Ойуур харыстабылын бастың үлэһитэ» бэлиэлэр  туоһулууллар.       

          1952 сыллаахха Владимирова Ефросинья Егоровналыын олохторун дьолун холбооннор түөрт о5олонон  быр-бааччы олорбуттара.

Хос эһэбит, Николай Софронович, оло5ун устата общественнай үлэттэн туора турбата, ол курдук: комсомольскай ячейка5а секретардаабыт, пропагандистаабыт, колхоз правлениетыгар үлэлээбит, прокуратура5а көмөлөһөр группа старшайа эбит, государственнай куттал суох буолуутугар оройуоннаа5ы отделыгар нэһилиэктэн сотрудник, агитатордаабыт, сельпо5а ревизионнай комиссия председателинэн үлэлээбит. Биьиги хос эһэбитэн киэн туттабын!

 

 

Авторы:  В.Стрекаловская, ученица 4 б класса, В.Стрекаловская, ученица 2 класса.