Васильева Анастасия Семеновна, 1922г.р.

Хос эбэм, Васильева Анастасия Семеновна, 1922 сыллаахха Уус-Алдан улууһун II Өспөх нэһилиэгэр Мадыгы алааска Наталья, Семен Васильевтарга төрөөбүт соҕотох оҕолоро. Дьоно оскуолаттан ыраах олорор буоланнар 2-с кылааһы бүтэрэн баран оскуолаттан тохтообут. Кини 13 сааһыттан «Ойоҕос» диэн артыалга үлэҕэ киирбит. 1940 сылтан «Маркс» холкуоска ыанньыксытынан, үүт астааччынан үлэлээбит. 1941 сылга Аҕа Дойдуну көмүскүүр сэрии саҕаланан эр дьон фроҥҥа атаарыллан туох баар үлэ оҕолор, дьахталлар санныларыгар сүктэриллибитэ. Сут-кураан сыллар буолан, от үүммэккэ холкуос сүөһүтүн Нам сиригэр көһөрөн иитэргэ күһэллибиттэр. Хос эбэм онно көһөн ыанньыксыттаабыт. Сэрии кэмигэр бэйэни харыстаммат үлэнэн кыайалларын-кыайбаттарын кыайыы туһугар нэһилиэнньэ үлэлээбит кэмэ эбит. Хос эбэм үлэтэ сыаналанан 1946 сыллаахха «1941-1945 сс. «Үлэҕэ килбиэнин иһин»» мэтээлинэн наҕараадаламмыт. Сэрии кэнниттэн хос эһэбэр Сыроватскай Дмитрий Васильевичка кэргэн тахсан, 6 оҕону төрөтөн, иитэн, үөрэттэрэн, үлэһит дьон оҥорбуттара. Хос эбэм Анастасия Семеновна элбэх сиэннэрин, хос сиэннэрин көрсүбүт. 81 сааһыгар олохтон барбыт.

Хос эбэм Васильева А.С. наҕараадалара:

— Медаль «За доблестный труд в Великой Отечественной войне 1941-1945 гг.» от 16 октября 1946 г.

— Медаль материнства II степени от 14 марта 1956 г.

— Медаль материнства I степени от 25 апреля 1960 г.

— Нагрудной знак «Ветеран тыла» от 1995 г.

— Юбилейная медаль «Маршал Советского Союза Жуков» от 20 февраля 1997 г.

— Ветеран Великой Отечественной войны от 30 апреля 2003 г.

Л. Мыреева  3 кылаас