Васильев Петр Егорович (1920 г.р.)

 

Мин хос эһэм, агам эһэтэ Васильев Петр Егорович. Кини 1920 сыллаахха Бүлүү оройуонугар Өлөөну кытта быысаһа сытар Үһүс Күүлэт нэһилиэгэр төрөөбүтэ. Сэттэлээҕэр ийэтэ. уон аҕыстааҕар аҕата өлбүттэрэ.

1943 сыллаахха бэс ыйыгар Мастаах оскуолатыгар улэлии сылдьан эһэм Петр Егорович,  А.Е. Федотов уонна А.И. Николаев сэриигэ барбыттара. Чита таһыгар Дацаҥҥа байыаннай уөрэххэ үөрэммиттэрэ. Күһүн арҕаа сэриигэ барбыттара. Москва таһыгар салгыы уөрэммиттэрэ. Онтон айаннаан Новгородскай уобалас Старай Русса таһыгар тиийбиттэрэ, кылгастык уөрэтээт сэриигэ киллэрбиттэрэ. Кини Үөһээ Бүлүү Кырыкый нэһилиэгиттэн сылдьар Н.И. Борисовы уонна Хомустаах нэһилиэгин киһитин кытта ус саха буолан Ленинградскай фронт 1265-с стрелковай полкатын састаабыгар түбэспиттэрэ, Борисов илин пулеметугар бастакы, Васпльев иккис нүөмэр этилэр.

Ити кэмнэ Ленинград блокадаттан босхоломмута, куоппут немецтэри Васильевтаах полкалара сойуоласпыта, кыргыһыыларга элбэх киһитин сүтэрбитэ. Ол охсуһууларга биһиги дьоммут күүстээх уоту аһан, рота кимэн киириитин хааччыйбыттара. Ити сылдьан Бүөтүр 1944 сыл кулун тутар 9 күнүгэр бааһыран Луга уонна Ленинград госпиталларынан эмтэнэн үтүөрбүтэ. Бэс ыйыгар кинини Карельскай фроҥҥа ыыппыттара, 91-с стрелковай полка рядовой саллаатынан иккистээн сэриигэ киирбитэ.

Биһиги чаастарбыт Норвегия диэкки чугуйар немец сэриилэрин урусхаллаан күүскэ кимэн киирэн испиттэрэ, хос эһэм инники киирбитэ ый курдук сылдьыбыт, бэс ыйыгар илиитигэр ыараханнык бааһырбыт. Ленинград, Ростов госпиталларыгар эмтэнэн баран 1944 сыл алтынньы ыйга сатыы хааман 1945 сылы көрсө эдьиийэ олорор Балаҕыччытыгар тиийэн кэлбитэ.

Петр Егорович фронтан кэлэн баран Мастаах оскуолатыгар үлэлээбитэ, 1947 сыл Дьөккөн нэһилиэгэр ааҕар балаҕан сэбиэдиссэйинэн анаммыта, эһиилгитигэр олохтоох кыыһы кытта ыал буолбуттара, сорох оҕолоро манна төрөөбүттэрэ Дьөккөҥнө уон биир сыл олорон баран 1958 сыллааха Үөһээ Бүлүү оройуонугар көспүттэрэ, дьиэ-уот туттан бэркэ олорбуттара. Үөһээ Бүлүүтээҕи промкомбинакка 24 сыл устатыгар энкилэ суох үлэлээбитэ. Мэлдьи үчүгэй хаачыстыбалаах бородууксуйаны оҥорор, көнөсудуругу майгылаах сэрии инбэлиитэ үлэтигэр да, нэһилиэнньэҕэ да улаханнык убаастанар эбит.

Хос эһэм Петр Егорович хос эбэбинээн Ионова Евдокия Васильевналыын сэттэ оҕону төрөтөн улаатыннарбыттара. Оҕолоро бары араас идэлээх, элбэх оҕолоох ыаллар.

Петр Егорович Аҕа дойду сэриитигэр 1 степеннээх орденнаах, «Хорсунун иһин», «Советскай Заполярьены босхолооһун иһин», «Германияны кыайыы иһин», элбэх үбүлүөйдээх мэтээллэрдээх.

 

 

 

Автор: Максимова В, 8  класс.