Васильев Николай Данилович

Төрөөбүт сыла: 1926 с.

Горнай оройуонугар, Октябрьскай нэһилиэнньэҕэ төрөөбүтэ. 4 кылаас үөрэхтээх.

Австрияҕа, Польшаҕа, Румынияҕа, Арҕаа Украинаҕа сылдьыталаабыта. Сулууспа араас көрүҥүн толортоон харабылга турбута, контрразведкаҕа связистаабыта, трофейнай чааска саллааттаабыта. Арҕаа Украинаҕа Степан Бандера баандатын кытта охсуһууга кыттыбыта.

Ити курдук, Кыайыы кэнниттэн 6 сыл байыаннай кэккэҕэ эдэр сааһын сыратын биэрбитэ. Миэстэтээҕи советскай – хаһаайыстыбаннай үлэҕэ салайар дуоһунастарга ананан, быыбарданан үлэлээбитэ. Нэһилиэк исполкомугар 4 сыл секретарынан, 2 сыл бэрэссэдэтэлинэн талыллан быыбардааччылар, олохтоох нэһилиэнньэ итэҕэлин толорбута. Бастакы бөдөҥсүтүүгэ 4 хаһаайыстыбаны холбоон, Сталин аатынан колхоз тэриллибитэ. Онуоха бырабылыанньа бэрэссэдээтэлин солбуйааччынан быыбардаммыта, 4 сыл биригэдьиирдээбитэ. Производствоҕа быһаччы кыттартан туора турбатаҕа. Хас да сыл сылгыһыттаабыта. Сааһыран баран ойуур хаһаайыстыбатыгар 4 сыл үлэлээбитэ. Эдэр сааһын эрчимин төрөөбүт нэһилиэгэ сайдарыгар, дьон – сэргэ олоҕо тупсарыгар туһаайбыта. Октябрськайтан төрүт тэйбэтэҕэ.

Эһэм Николай Данилович — хорсун санаалаах буолан, Аҕа дойдутун көмүскүүр туһугар олоҕун да кэрэйбэккэ сэриилэһэн элбэх орденынан, мэтээлинэн наҕараадаламмыта.

Албан аат 3 ст. ордена,
Аҕа дойду сэриитин 2ст. ордена,
Бойобуой мэтээллэр…

Мин эһэм, Николай Данилович героическай быһыытынан, историческай албан ааттаах хорсун сырыытын туһунан киэн туттабын, кэрэхсиибин, сүгүрүйэбин!

Т. Васильева . МАОУ СПЛ, 2 «в» кылаас.