ВАРЛАМОВА МАРИЯ НИКОЛАЕВНА
                  (22.04.1923 – 11.10. 1997)

         Мин хос эбээм Варламова Мария Николаевна  (22.04.1923 – 11.10. 1997) Тыыл уонна үлэ бэтэрээнэ, 1941-1945 сс “Килбиэннээх үлэтин иһин»-мэтээл хаһаайына. Элбэх наҕараадалардаах. Сэттэ о5о тапталлаах ийэтэ, элбэх сиэн, хос сиэннэр эбээлэрэ.

СЭРИИ СЫЛЛАРЫГАР КАДРОВАЙ БУЛЧУТ, БАСТЫН ЫАННЬЫКСЫТ

       А5атынаан, мин хос-хос эһээбинээн Быллырытов Николай Яковлевичтыын, сэрии сутун кэмигэр бултаан элбэх киһини хоргуйууттан быыһаабыттар. Элбэхтэ олохтоох хаһыакка былааннарын кууһаран, хайҕанан бэчээккэ бэлиэтэммиттэр. Мин хос эбээм наһаа ыарахан олоҕу олорон ааспыт эбит. Ийэтэ, биир саастааҕар өлбүт буолан, соҕотох аҕаҕа иитиллибит. Ол иһин кини эр киһи да үлэтиттэн толлубакка бултастаҕа. Кыһыҥҥы томороон тымныыттан чаҕыйбакка, сарсыарда эрдэ туран бараллара үһү. Киэһэ кырыа буолан, туһахтарыгар иннибит куобахтары сүгэн киирэллэрэ диэн, ол кэмҥэ дьукаах кыстаабыт ыаллара эбээбэр кэпсээбиттэр.

        Бастыҥ ыанньыксытын, былаанын аһары кууһаран хаһыакка тахсыбыта туоһулуур. Мин хос эбээм Быллырытова Мария Николаевна, бииргэ төрөөбүт 5 эбиттэр. Бары сэрии кэмигэр үлэлээбиттэр, Үлэ тыыл бэтэрээннэрэ. Хос эбээм икки кылаас үөрэхтээх эбит. Ол гынан баран ааҕарын наһаа сөбүлүүр эбит. Дьиэрэннээх диэн алааска саха чулуу суруйааччытын П.А.Ойуунускайы илэ көрбүт, кини тыл этэрин истибит, дьоллоох эбит. Ити алааска саха тылдьытын оҥорбут Эдуард Карлович Пекарскай олорон ааспыта. Билигин да ол алааска балаҕана турар.

        Сэрии бүппүтүн кэннэ хос эһээбинээн Варламов Иван Корниловичтыын, сэрииттэн кэлбитин кэннэ ыал буолбуттар. Сэттэ оҕону төрөппүттэр. Эһээм Аҕа Дойду сэриитин кыттыылааҕа. Идэтинэн ветеринарнай фельдшер. Элбэх наҕараадалардаах. Дьоппуон сэриитигэр сылдьыбыт. Хос эбээлээх эһээм ытык Таатта сиригэр уотугар Игидэй нэһилиэгэр олорон ааспыттар.

Афанасьев Айысхаан, 3 кылаас уорэнээччитэ

Д