Уваровская Анна Ивановна

Ийэбит Уваровская Анна Ивановна 1929 с. төрүөх. Ийэтэ Уваровская Анна Алексеевна (төрдө Уус-Алдан), аҕата Уваровскай Иван Ионович Тулагы-Киллэм төрүт олохтооҕо. Ийэбит манна төрөөбүтэ. 1938 с. Тулагы-Киллэм 7 кылаастаах оскуолатыгар 1 кылааска киирбитэ.

Yөрэнэр кэмигэр сэрии саҕаланан кыһалҕалаах ыарахан дьыллар түбэспиттэрэ. Төһө да оҕолорун иһин, сайынын улахан дьоннуун тэбис тэҥҥэ үлэлииллэрэ. Колхозка ньирэй көрүүтүгэр, оҕурсу, хаппыыста, табах олордуутугар, ону көрүүгэ сылдьыбыта. Оччуттар биригээдэлэригэр поварынан, от мунньааччынан үлэлээбитэ. Ол бэлиэтинэн 1945 с. “За доблестный труд в Великой Отечественной войне 1941-1945 гг.” мэтээлинэн наҕараадаламмыта. Итинник мэтээли аҕыйах оҕоҕо биэрбиттэрэ.

1946 с. 6 кылааһы бүтэрэн баран сут дьыллар буолан Кэбээйигэ сүөһү үүрэн көһүүгэ барарга күһэллибиттэрэ. Ийэм онно 17–лээх, ийэтин кытта барсыбыта. Күһүн хойут, олус тымныыга айаннара саҕаламмыта. Ол айаҥҥа күүстээх санаалаах, тулуйуохтара диэбит дьоннорун ыыппыттара. Уһун суолга дьон олус эрэйи көрөн, тоҥон-хатан, сорохторо ыалдьан тиийбиттэрэ. Онно тиийэн өлүтэлээбиттэрэ. Кыстаан баран саас төттөрү айаннаан кэлбиттэрэ.

1955 с. учебно-производственный комбинат Промсовета ЯАССР диэн үөрэҕи 4 разрядтаах иистэнньэҥ идэлээх бүтэрбитэ. 1958 с. аҕабынаан холбоһон 4 оҕону төрөппүттэрэ. 1963-1988 сс. Тулагы-Киллэм Сыырдаах дьааһылатыгар үлэлээбитэ.

Материал предоставлен музеем истории Тулагинской школы

(зав. музеем Кузьмина Н.Д.)