Ушканова Анна Григорьевна (1925-2002г.).

Место рождения: Нюрбинский район, с. Малыкай (Кукакинский)

Биһиги эбээбит Аана Ньурба Бордоҥун Кукаакы нэһилиэгин Уускаан аҕа ууһа түөлбэлээн олорор сиригэр Чуучукааҥҥа Григорий, Анастасия Ушкановтар дьиэ кэргэннэригэр үһүс оҕонон 1925 сыллаахха күн сирин көрбүтэ. Бииргэ төрөөбүттэрэ алталар.
Сэрии саҕаланарыгар эбээм, 15 саастаах кыыс, улахан дьону кытта тэҥҥэ колхоз араас үлэтигэр үлэлээбитэ. 1949 с. биһиги эһээбитин Михаил Яковлевы кытта олохторун холбоон ыал буолаллар. Эһээбит Аҕа дойду сэриитин кыттыылааҕа, Японияны утары сэриигэ стрелогунан сылдьыбыт, 1946 с. этэҥҥэ төннүбүт. Эбээлээх эһээм сэттэ оҕону төрөтөн-иитэн олох суолугар үктэннэрбиттэрэ. Эбээбит эдэр сааһыттан Степан Васильев аатынан колхозка, совхозка бочуоттаах сынньалаҥҥа тахсыар диэри үлэлээбит. Үлэлиирин тухары совхоз бастыҥ ыанньыксыттарын кэккэтигэр сылдьыбыта. Биир ынахтан үүт ыаһыныгар 2000 киилэ үүтү ылары ситиспитэ. Эбээбит сыралаах үлэтэ сыаналанан коммунистическай үлэ ударнига буолбута. Кини ситиһиилээх үлэтин үгүс элбэх нэһилиэк, улуус, республика почетнай грамоталара туоһулууллар.
Аана 2002 с. от ыйыгар ыарахан ыарыыттан ыалдьан өлбүтэ.
Наҕараадалара: «Медаль материнства», 2,1 ст., «Материнская слава» 3 орден, «В ознаменование 100-летия со дня рождения В.И. Ленина» мэтээл, «Ударник коммунистического труда» бэлиэ, үлэ, тыыл бэтэрээнэ, грамоталар, махтал суруктар.

Медали Анны Григорьевна

Анна Григорьевна с мужем Михаилом

Автор: В.Потапова, ученица 5 класса.