Токусаров Павел Дмитриевич (1912 — 1992)

 

Биһиги хос эһэбит Токусаров Павел Дмитриевич 1912 сыллаахха  Омолдоон нэһилиэгэр тоҕус оҕолоох ыалга төрөөбүтэ. Эдэр эрдэҕиттэн колхоз, совхоз кэккэтигэр үтүө суобастаахтык үлэлээн Омолдоон нэһилиэгин председателинэн, налоговай агенынан үлэлээбитэ.

1942 сыллаахха сэриигэ ыҥырыллан баран иһэн пароходтан нэһилиэк председателин солбуйааччытыгар бронь биэрэннэр дойдутугэр төттөрү тахсыбыта.

1943 сыллаахха  бэс ыйын 21 күнүгэр налоговай агенынан үлэлии сылдьан сэриигэ барбыта. Бастаан Даурияҕа үс ый үөрэнэн баран уоттаах сэриигэ ыыппыттара.

1944 сыл тохсунньу ыйыгар Керчь куораты ылыыга улаханнык бааһыран үс ый госпитальга сытан эмтэммитэ, ол кэннэ Симферополы, Феодосияны, Севастополы босхолоһон Румынияннан Чехословакияҕа тиийэн сэриилэһэ сылдьан иккистээн улаханнык бааһыран эмиэ госпитальга киирбит.

Кини Дойдутугар ахсынньы ый 22 күнүгэр 1945 сыллаахха тиийэн кэлбит.

Токусаровтар биэс быраат сэриигэ ыҥырыллан барбыттарыттан — Дмитрий сураҕа суох сүппүт, Ефрем — төннөн кэлэн үлэ фронугар – балыкка Булуҥҥа сылдьыбыт. Петр, Степан, Павел Аҕа дойдуларын көмүскээн, уоттаах сэрииттэн тыыннаах хаалан дойдуларыгар төннөн кэлбиттэрэ.

Наҕараадалара:

Медали «За отвагу» 1944с, 1947 с.

Медаль «За доблестный труд в ВОВ 1941-1945 гг.» налоговому агенту 1946 г.

Медали «За Победу над Германией в ВОВ» 1946г, 1989 г.

1985 г. награжден «Орденом Отечественной войны I степени»

 

Автор: Н.Токусаров, 6Б кылаас