Тихонов Кирилл Иннокентьевич 1910с.т.

Хос эһээм Тихонов Кирилл Иннокентьевич 1910 с. төрүөх. Кини Илин Хаҥалас улуус Хачыкаат нэһилиэгэр күн сирин көрбүтэ. Сэрии иннинэ эһээм ааттаах үчүгэй байанайдаах булчут этэ. Аҕа Дойду Улуу сэриитин саҕаланыытыгар дэриэбинэ эр дьонун хомуурга ыҥырбыттар. Военкомакка медкомиссийа барарыгар кинини сыыйан кээспиттэр. Төруөҕуттэн атаҕар доҕолоҥ эбит. Оннук сэриигэ барбатах. Эһээм колхоз тутаах киһитэ буолан хаалбыт. Сэрии кэмигэр колхоз бэрэссэдээтэлинэн талыллыбыт. Мас кэрдэн, сүөһү көрөн, бултаан, балыктаан, оттоон олорбуттар. Дэриэбинэҕэ эр дьон аҕыйах буолан, туох баар ыарахан үлэни барытын үлэлээбит. Төһө да ас-таҥас кырымчытын иһин, эһэм сөптүк салайан, үллэрэн, дьаһайан олорбут. 1942 сыллаахтан колхоз дьоно дойдубут тыын суолталаах суолун «Томмот-Якутск» тутуутугар туох баар күүстэрин биэрэн туран үлэлээбиттэрэ. Дьон тохтоло суох, түүн-күнүс үлэлииллэр эбит. Түҥ тыаны солоон, таас хайаны эстэрэн ити суол баар буолбута. Колхоз дьоно харса — хабара суох күүстээх үлэлэрин иһин И.В.Сталин илии баттааһыннаах Махтал сурук туппуттар. Эһэм салайар кэмигэр биир да дэриэбинэ киһитэ аччыктаан өлбөтөх. Сэрии кэнниттэн эһэм олох кырдьыар диэри кадровай булчут эбит.Олус холку, үтүө санаалаах киһи этэ диэн билигин да ахталлар дэриэбинэ дьоно. Эһээбит биһиги аймах киэҥ туттар, убаастыыр, ытыктыыр киһибит буолар.

А.Карпов, 11в кылаас