Теряков Василий Дмитриевич 1941 (г.р.)

 

Сэрии кэмин оҕото.

Биһиги хос эһээбит бииргэ тереебут быраата 1941 с. кулун тутар 22 күнүгэр Таатта улууһун Соҕуй диэн учаастакка күн сирин көрбүтэ.

Аҕата Теряков Дмитрий Степанович 1942 с. бэс ыйыгар Аҕа дойду сэриитигэр ыҥырыллан барбыта уонна ол сыл алтынньы ыйыгар сураҕа суох сүппүтэ.

Василий убайынаан эмиэ Василийдыын ийэлэрин Терякова Мария Иннокентьевналыын хаалбыттара. Ийэлэрэ улахан уолунаан сэрии ыар сылларыгар колхоз бары үлэтигэр күүстэрин харыстаабакка үлэлээбиттэрэ.

Оскуолалаах дэриэбинэ ыраах буолан Василий оскуолаҕа кыайан үөрэммэтэҕэ. Кыра сааһыттан колхоз бары үлэтигэр үлэлэспитэ кыһынын сүөһү көрүүтүгэр, сайын от оттооһунугар. Төһө да оскуолаҕа үөрэммэтэр бэйэтэ ааҕар-суруйар буолбута.

1963 с. Таатта улууһугар Амма өрүс биэрэгэр куораттыы тииптээх саҥа бөһүөлэк тутуллар диэн “Тыа сирэ – ыччат романтиката” девизтаах ыҥырыы тахсыбыта. Республика үрдүнэн ыччат бөҕө түмсэн саҥа Харбалаах бөһүөлэгэ тутуллан саҕалаабыта. Онно Василий эмиэ баар этэ. Ол курдук эдэр, эрчимнээх саастарын бу бөһүөлэк тутуллуутугар атаарбыта.

Кэлин пенсияҕа тахсыаҕыттан кадровай булчутунан күн бүгүнүгэр диэри үлэлиир. Василий Дмитриевич үлэтинэн эрэ муҥурдаммат, спортсмен, олоххо активнай позициялаах буолан туохха барытыгар инники күөҥҥэ сылдьар.

Харбалаах быйыл тутуллубута 52 сыла буолла. Василий Дмитриевич бэйэтэ туппут бөһүөлэгэр олоҕун аҥарынаан Надежда Степановналыын ыал буолан, биэс оҕону төрөтөн, үөрэттэрэн, ыал оҥортоон, сиэннэрин көрөн-харайан дьоллоохтук олороллор.

     

 

 

Автор: бырааттыы Михалевтар, 9а кылаас.