Сысолятина Евдокия Ивановна (1927-2005 г.р.)

Төрөөбүт сыла: 22.05.1927 Төрөөбүт сирэ: Нам улууһа. Үөдэй. Сэрии саҕаланыыта биһиги эбээбит 14 саастаах кыыс оҕо эбит. Онно кини Тахаанай ферматыгар иккис Үөдэй Кэҥкэмэ колхуоска учуотчутунан үүт суруйарга улэлээбит. Бу иннинэ тоҕус сааһыттан ийэтэ фермаҕа улэлиир буолан үүт суруйар этэ. Сэрии буолуоҕуттан Тахаанай фермаҕа таабылсыгынан улэлээбит, үүт суруйара,(ферма сэбиэдиссэйэ 60-чалаах оҕонньор суругу да сыыппараны да суруйбат оҕонньор эбит). Бириэмэ кеһуннэ5инэ дьахталлары кытта от мунньуутугар бараллара. Ити бириэмэҕэ дояркалар уон устуу ынаҕы куннэ түөттэ ыыллар этэ уонна оттууллара. Онно эбээм аах тэннэ сылдьыьаллара. Оччотооҕу бириэмэ оҕолоро теһе да 15-16 саастаах сана улаатан эрэр оҕолор буоллар улахан дьону кытта тэннэ улахан киһи улэтин улэлииллэрэ. От бары улэтигэр,сиилэс угуутугар,ферма ис-тас улэтигэр барытыгар,бааһына5а оҕуьунан, атынан балбаах таһаллара,ойууртан мас тиэйэллэрэ, уу таһаллара.

1942 сыллаахха алтыс кылааһы бутэрэ илик кыыһы сэбиэт сэкирэтээрин улэтин суктэрбиттэрэ. Эбээбит сэбиэккэ кэлбит сорудахтары толороро, кыра нолуок хомуйан, байыаннай нолуоктар испиэһэктэрин уо.д.а араас суруйар улэни толорор этэ. Нолуок 15 керунун хомуйар эбит, ол барыта квитанцияланара, харчытын хомуура кинилэринэн ааһара. Хомуллубут нолуоктарын Намна сбербанна атынан илдьэн туттарар эбит, оччотооҕу Госбаан диэн ааттанар.Улэни кыайар эдэр кыыһы колхозка эмиэ от-мас ыарахан улэтигэр төптөрү ылбыттара. Сайынын от ыарахан улэтигэр от оҕустарар, от мунньуутугар улахан дьонтон итэҕэһэ суох улэлииллэрэ. Куһун от бурдук улэтэ кинилэртэн босхоломмот этэ. Кыһын ол сылларга наһаа тымныылар турбуттара. Киэһэтин үүт астыыр дьиэҕэ олорон колхуостаахтарга сэрии туһунан информационнай иһитиннэриилэри, оройуон сонуннарын «Эдэр Бассабыык» оройуон хаһыатыттан «Кыым» республика хаһатыттан ааҕар эбит Сотору соҕус эбээбин кладовщигынан уонна арыы туттарар приемщигынан улэҕэ ыланнар сэрии бүтүөр диэри онно улэлээбит. 1947с «Партизан» колхуос уолугар Сысолятин Дмитрий Романовичка кэргэн тахсан, тоҕус о5ону төрөтөн 77 сааһыгар диэри олорбута.

 

 

Автор: К.Рожин,уч 11 б класса.