Свинобоева Акулина Васильевна (1922 г.р.)

 

Үлэ, тыыл ветерана Аҕа дойду улуу сэриитин инвалидын огдообото Свинобоева Акулина Васильевна Мэҥэ-Ханалас оройуонун I Мөҥөрүөҥҥэ Мас Булгунньах диэн сиргэ 1922 сыллаахха от ыйын 15 күнүгэр күн сирин көрбүт.

Аҕата Харитонов Василий Николаевич Мэҥэ-Ханалас, ийэтэ Илларионова Фекла Егоровна Чурапчы Тыа Бахсытыттан төрүттээх.Ийэтэ кини 3 саастааҕар, оттон аҕата 1941 сылаахха өлөн тулаайах хаалбыт.
Бииргэ төрөөбүт убайа Иван Васильевич 7 кылаас үөрэхтээх, Аҕа дойду сэриитигэр 1941с маҥнайгы бэбиэскэҕэ ыҥырыллан барбыт. 1943 сыллаахха рота командирынан сэриилэьэ сылдьан өлбүт.
Аҕатын иккис кэргэниттэн быраата Харитонов Зиновий Васильевич эргиэн ветерана, Суоттуга олорор, кэргэннээх, уоллаах, сиэннэрдээх.

Акулина Васильевна кыра сааһыттан тулаайах хаалан араас үлэҕэ эриллэн улааппыт.

Аҕа дойду сэриитин бириэмэтигэр , сут-кураан дьылларга, эр дьоннор оннуларыгар араас үлэҕэ: бурдук ыһыытыгар,быһыытыгар, от оттооһуҥҥа саһаан кэрдиитигэр, бүтэй тутуутугар уонна да атын үлэлэргэ таһаарыылаахтык үлэлээбит.

Сэрии бириэмэтигэр икки кыра саастаах бырааттарын Васяны, Зиновийы соҕотох уонна күүстээх үлэҕэ үлэлиир буолан кыһалҕаттан детдомҥа биэрбит. Онно кыра быраата Вася ыалдьан өлбүт, онтон Зиновийы сэрии бүппүтүн кэннэ 9 саастаах уолу иитэ ылбыт.

Акулина Васильевна сэрии кэнниттэн 1946 сыллаахха Покровскайга мас кэрдиитигэр үс ый үлэлээбит. Мас кэрдиитигэр хара сарсыардаттан хара киэһээҥҥэ диэри үлэлииллэр эбит. Бу ыарахан эр киһи үлэтин хара илиилэринэн үлэлээбиттэр. Борохуокка оттуллар биир миэтрэ усталаах мастары эрбииллэр, хайыталлар, саһаанныыллар эбит.

Сэрии бириэмэтигэр уонна 1946 сыллаахха Покровскайга мас кэрдиитигэр, туох баар күүһүн-уоҕун ууран үчүгэйдик-таһаарыылаахтык үлэлээбитин иһин 1947 сыллаахха “Үлэҕэ килбиэнин иһин” диэн мэтээлинэн наҕараадаламмыт.

1948 сыллаахха Суотту олохтооҕо Свинобоев Иван Гаврильевиһы кытта ыал буолан, холбоһон 29 сыл эйэ дэмнээхтик олордулар. Кэргэнэ Иван Гаврильевич 1977 сыллаахха өлбүт. Кэргэнэ өлбүтүн кэннэ 6 оҕону атахтарыгар туруоран, улаатыннаран үлэһит дьон оҥортоото.

Суоттуга киирэн баран колхуоска доярканан уонна араас үлэлэргэ үтүө суобастаахтык үлэлээбит. Балыыһаҕа поварынан, маҕаһыыҥҥа остуораһынан, быт. комбинакка иистэнньэҥинэн.
Акулина Васильевна тулаайахтык, олох эрэйин көрөн улааппыт буолан аьыныгас дууһалаах, эйэҕэс майгылаах ийэ, эбээ, хос эбээ буоларын билбит. Кини нэһилиэк биир убаастыыр, ытыктыыр кырдьаҕаһа тыыл үлэ бэтэрээнэ буолар.

Мэтээллэрэ:
1. Медаль материнства I степени
2. Медаль материнства II степени
3. Ветеран тыла
4. 50 лет Великой Победы
5. Медаль Жукова

 

 

 

 

 

 

 

 

 

 

 

 

 

 

Автор: Е.И.Свинобоева. Ветеран труда