Свешникова Аксинья Даниловна (1930 г.р.)

Эбэм Свешникова Аксинья Даниловна 1930 сыллаахха II Өспөх нэһилиэгэр Варвара Дмитриевна, Данил Петрович Свешниковтар дьиэ кэргэннэригэр төрөөбүтэ. 1938 сыллаахха Батыйалаах 4 кылаастаах оскуолатыгар үөрэнэ киирбитэ. Эбээбит үлэтинэн тыылга кыайыыны уһансыбыта. Сэрии кэмигэр араас ыарахан үлэлэргэ үлэлээбитэ. Колхоз ынахтарыгар аһылык бэлэмнээн тоҥуу хаары кэһэн, хатыҥ охторон, ол лабаатын тоноон, былах, дулҕа быһан, ону таһан, кырбаан көөнньөрбө оҥороллоругар көмөлөһөр этилэр. Киэһэтин тирии имитиһэн, сирийсэн көмөлөһөллөрө.

Сэрии кэнниттэн ыанньыксыттаабыта, кыладыапсыктаабыта. Онтон колхоз араас үлэтигэр кыттан, кыһын от тиэйсэн, балбаах таһан, саас ыһыы үлэтигэр, кирпииччэ үктээһинигэр, сайын от үлэтигэр, күһүн сиэмэ быһан, сир паардаан, хортуоска хостоон бэйэтин тэҥнээхтэрин кытта үөрэ-көтө үлэлээбитэ.

1954 сыллаахха Степан Семенович Соловьев уонна Аксинья Даниловна Свешникова ыал буолбуттара. Таптал биһигэр бигэнэн, 9 оҕо күн сирин көрбүттэрэ.

 

 

 

Автор: К.Бурнашева, 8 кылаас