Стручкова Варвара Петровна

 15.01.1927с.- 12. 10. 2016 с.

⁠         Эбээм Стручкова В.П. Уус Алдан улууһун Саһылыкаан нэһилиэгэр төрөөбүт. Эбээм кыра сааһыгар ийэлээх аҕата күн сириттэн ыарахан ыарыыттан утуу-субуу барбыттар. Ити курдук эбээм кыра сааhыгар тулаайах хаалбыт. Кинилэри аҕаларын кытта бииргэ төрөөбүт эдьиийдэрэ Балбаара көрөр-истэр. Улахан убайдара үлэлээн-бултаан иитиhэллэр эбит. Итинник олордохторуна А5а дойду сэриитэ саҕаланар. Мироннаах, Ньукулай утуу-субуу ыҥырыллан Ийэ дойдуларын көмүcкүү армияҕа бараллар. Мирон барарыгар эппит: «Кэллэхпинэ хайаатар да балтылаах бырааппын үөрэттэриэм» диэбит. Эбээм бииргэ төрөөбүт убайдара, Ньукулай уонна Мирон Аҕа дойду сэриитин кыттааччылара. Иккиэн сэрии толоонугар сырдык тыыннара быстыбыт. Онон биhиги эбээбит кыра быраатынаан иккиэйэҕин эрэ хаалбыттара. Быраатын үөрэттэрээри эрдэ үлэhит буолбут. 13 сааhыттан хотоҥҥо харабылынан үлэлии киирбит. Кыра киhини аhыналлара эбитэ үhү. Сайынын от үлэтигэр сылдьыбыт, оҕус сиэтэр эбит. Дьэ ити курдук эбээм оҕо саас кэрэтин билбэккэ үлэлээбит. Итинник үлэлээн кыра быраатын үөрэттэрбит. Онтон эhээбин көрсөн ыал буолбут. Ити сылтан ыла сүөhү көрүүтүгэр сылдьыбыт. «Победа» колхозка үтүө суобастаахтык үлэлээн, дьон хайҕабылын ылбыт. Колхоз председателиттэн хайҕанан үчүгэй улэтин иһин, грамотанан наҕараадаланар. Онтон 1954 сыллаахха ынах сүөhу ыанньыгар үлэлии киирэр. 1955 сыллаахха 11 ына5ы көрөн, төрүөҕүн 91,6% тыыннаахтыы иитэн, учугэй көрдөрүүнү ситиhэр. 1954 сыллаахха сылга биир фуражнай ынахтан 810 литр үүтү ыан үрдүк кирбиини ылар. 1955 сыллаахха 9 ый устата 340,7 кг биир күҥҥэ ситиhэр. Ити үрдүк ситиhиилэрин иhин 1973 сыллаахха Болгария дойдутугар босхо сынньанар путевканан наҕараадаланар. Үрдүк ситиhиилэрин туоhулуур элбэх махтал суруктарынан, грамоталарынан наҕараадаламмыта. Ол наҕараадаларын туоhутунан Саха Республикатын тыатын хаhаайыстыбатын ветеранын аатын 2012 сыллаахха ылбыта, «Материнскай слава» хаhаайката, сцена ветерана, хас да төгүллээх тойукка, оhуохайга лауреат, нэhилиэк ыhыахтарын алгысчыта, мас тардыhыытыгар хас да төгүллээх чемпион.

 

Ахтыыны суруйда: М. Кривогорницына

2в кылаас төрөппүтэ.