Стручкова Анна Тимофеевна

Комсомол Киин комитетын Бочуоттаах Грамотатынан наҕараадаламмыта, «Бочуот знага» орден кавалера, «Учууталлар учуталлара» званиялаах, «Гражданскай килбиэн» знак хаһаайына, Эбээн-Бытантай уонна Верхоянскай улуустар бочуоттах гражданиннара.

Мин эбээм Стручкова Анна Тимофеевна 1927 сыллаахха төрөөбүтэ. 10 саастааҕар оскуолаҕа үөрэнэ киирбитэ. Дьоно кыһылҕалаахтык олорор буоланнар эрдэ оскуолаҕа киллэрбэтэхтэр. Дьиэни хомуйар, дьаһайар, оҕону көрөр-истэр киһи наада диэн. Кылаас старостата, пионердар баһатайдара буолбута. Уөрэҕэр үчүгэйдик уөрэнэрэ, общественнай улэҕэ активнайдык кыттара. Сэрии саҕана оскуолаҕа олус куускэ улэлииллэрэ. Саас мас саһааннаан туруораллара, оскуола сиригэр субботнигынан тахсан биирдии оҕо икки куҥҥэ 1 кубометр маһы сугэннэн кэрдэн туруорара. Иккиилии буолан кыттыһан кэрдэллэрэ. 7 кылааһы бүтэрэригэр учугэй уерэнээччи диэн оройуон Якутскайдааҕы педучилищеҕа 150 солкуобай биэрэн туран уөрэттэрэ ыталлар.

Атырдьах ыйын 1 күнүгэр 1943 сыллаахха Дьарҕалаах бөһуөлэгиттэн Дьокускайга уөрэнэ барарга 5 оҕо уонна сирдьитинэн биир аҕа аттаммыттара. Аара үрэхтэргэ хаайтаран, ат да ыран, сорҕотугар мэнистэн иьэн аттарын сир хаспаҕар түһэрэн эрэйдэммиттэр. Ол курдук айаннаан” Кылагырга” тиийэн аттарын төттөру атаарбыттар. 5 хонук параход кууппуттэр Батамайга бараары. Ол курдук 38 хонуктарыгар Якутскайы булбуттар, балаҕан ыйын 8 күнүгэр.

Эбээм Педучилище уопсайыгар олорон уерэммитэ үс сыл. Олорор усулуобуйа олус кытанаҕа, наһа тымныы эбитэ, истээх таҥастарын кэтэ сылдьан уруоктарын ааҕаллара. Аһылыкка карточка биэрэллэрэ. Арыы, чэй, саахар карточкатын атыылаан килиэп ылыналлара. Биэс кэлбит оҕолортон соҕотох эбээм эрэ үөрэнэ хаалбыта. Биир уолларын улдьу фронна ылбыттара, атыттар ыалдьан дойдуларыгар төннубуттэрэ. Сайын педучилище подсобнай хаһаайыстыбатыгар Мэҥэ-Хаҥаласка 2 Холгумаҕа тахсан балаакканан сытан от оттууллара, мас мастаан илии эрбиитинэн эрбэн саһан туруораллара. Эбээбэр иккис сылыгар учугэйдик улэлиигин диэн көстуум тиктэр «бостон» диэн 3 м. таҥас биэрбиттэрэ.

Аҕа дойду сэриитэ бүтэн Кыайыы күнүн Якутскайга көрсубуттэрэ. Ол күн уулуссаҕа көрсүб;т киһини барытын кытта сылласпыттара, кустуспуттара.

 

 

Автор: А.Петрова, 4 «б» кылаас.