Стручков Роман Федорович (1906 г.р.)

 

Хос эьээм Стручков Роман Федорович, Мэнэ – Ханалас Бэрдьигэстээзэр, 1906 сыллаахха алтынньы 24 кунугэр торообутэ, сэриигэ ылбыт араанньытыттан 1968 сыллаахха алтынньы 11 кунугэр олбутэ.  Биэс озолоохтор этэ  Зина, Николай (мин эьээм) Федор, Петр уонна кыра кыыстара Анна.

Ахтыыны суруйда уоллара Стручков Петр Романович, Таатта улууьун Чычымах олохтоозо.

«Мин тороппуттэрим  азам Стручков Роман Федорович уонна ийэм Анна Николаевна Ааллаах Ууннэ таьазас таьыытыгар икки тогул бара сылдьыбыттара. Оччолорго кырдьазас, улэни кыайбат буолбут озонньордоозор  бэйэтин кыанар эдэр дьахтары илдьэ барары соптоозунэн аахпыттар. Иккис сырыыларыгар икки эмдэй – сэмдэй озолорун илдьэ барбыттар. Азам туох баар улэзэ барытыгар анаар кытыытыттан тусуьэн иьэр, улэни кыайыгас, бэйэтигэр соптоох куустээх – уохтаах киьи эбит. Азам кэпсииринэн  Былза (Птицыннар аймахтара) диэн киьи бара уьу. Бу киьи аьастаах, улахан кыанар киьи уьу. Аттара мырааны кыайан тахсыбатахтарына сосуьан тахсара уьу. Тарынна торут быалара быьынназына сыгынньах илиитин муустаах ууга  уган баайара уьу. Кэлин сэриигэ баран иьэн Иркутскайга аччыктаан олбут.

Азам Ааллаах Уунтэн айантан кэлбитэ сэриигэ бэбиэскэ кэлэн сытар эбит. Ону айантан хойутаан кэллин диэн дезертир быьыытынан аахпыттар. Дьокуускайга алта ыйга хаайан сытыарбыттар. Онтон уйэтин тухары хомойоро. Оччотоозу олох сокуона кытаанах буоллаза. Ол кэннэ Аза дойду сэриитигэр баран Ленинград оборонатыгар сылдьыбыта. Иккитэ буулдьаза бааьыран госпитальга сыппыт. Сэрииттэн санныгар буулдьалаах тоннубутэ. Онтута аалан ыарытара. Азам «За оборону Ленинграда», «За Победу над Германией»  мэтээллэрдээх. Сэрии туьунан ахтарын собулээбэт этэ.

Бу мин олорор дэриэбинэм Чычымах Ааллаах ууннэ барар суол аартыга эбит. Манан дьонум кэлэн аастахтара. Мин дьонум айанна сылдьыбыттарын мээнэ кэпсээбэттэр этэ. Эрэйдээх, ыарахан, ыраах айан диэбиттэрин ойдуубун. Куьун баран бараннар саас биирдэ кэлэллэрэ».

 

Автор: С.Р.Верховцева