Стрекаловская Мария Дмитриевна 

Аҕам өттүнэн аймахтарбыттан ытык кырдьаҕаспыт, мин хос эбээм — Мария Дмитриевна Стрекаловская буолар. Кини Уус-Алдан Ѳспѳх (билигин Дүпсүн) нэһилиэгэр колхуостаах дьиэ кэргэҥҥэ 1934 сыллаахха тѳрѳѳбүтэ. Идэтинэн математика учуутала, «Учууталлар учууталлара» бэлиэ знак хаһаайына, тыыл, үлэ ветерана, Мүрү нэһилиэгин Бочуоттаах олохтооҕо. Хос эбэм сэрии кэмигэр 7 саастааҕа, ыарахан үлэҕэ кыра эрдэҕиттэн сылдьыбыта. Кини кэпсээннэриттэн биһиги төрүттэрбит олохторун, сэрии сылларын ыарахаттарын туһунан истэн билэбит. Эбээм кэпсииритэн:”Биһиги куруук аччык сылдьарбыт. Ийэбит барахсан хайдах гынан, тугунан оҕолорун аһатарын толкуйдаан тахсара. Биирдэ алааска баран ынах тириитэ аан бүрүөтүн аҕалбыта. Ол эргэ тириини инчэтэн, аалан баран, онтон биһиэхэ миин буһаран иһэрдибитэ. Үлэлиир кыахтаах эр дьон барыта фроҥҥа барбыт буолан, ийэм уонна бастакы кылааска үөрэнэр эдьиийим бэйэлэрэ тыаттан мас мастаан көмүлүөкпүтүн оттоллоро».

 

 

Автор: Ю.Данилова, 6 в, ЯГНГ