Степанова Евдокия Ивановна (1921 г.р.)

Мин хос эбэм Степанова Евдокия Ивановна 1921 с. Илин Хаҥалас улууһугар Хара нэһилиэгэр дьадаҥы кэргэҥҥэ төреөбүтэ. Ийэтэ Баина Матрена Дмитриевна, аҕата Степанов Иван. Сэрии саҕаланарыгар эбэм 20 саастаах этэ. Чулуу эдэр тракторист, суоппар, механизатор уолаттар ыҥырыллан Аҕа дойдубутун көмүскүү барбыттара.

Ыксалынан элбэх механизатор курстарын аһан дьону үөрэтэн барбыттара. Онно эдэр дьахталлар, кыргыттар үөрэммиттэрэ. Ол иһигэр мин хос эбэм 1941 с. үс ыйдаах тырахтарыыстар куурустарын бүтэрэр. Хос эбэм Евдокия Ивановна 1934 сыллаахха тэриллибит Мэҥэ-Хаҥаласка Майа нэһилиэгэр МТС (машинно-тракторная станция) тэрилтэҕэ үлэлии киирбит. МТС тэрилтэ сүрүн анала — трактор, комбайн, тыа хаһаайыстыба техникатын ремона, сааскы ыһыы, сайыҥҥы от хомуйуута, сир хорутуу, бурдук хомуура.

«ЧТЗ» тыраахтарга Иванов Иннокентий Николаевичка, Лукин Николай Михайловичка Евдокия Ивановна прицепщигинэн сылдьыбыт. Сайын Иванов И.Н. мастырыскыайга слесарынан киирбитигэр эбэм ЧТЗ-С-60 тракторга солбуйар тракториһынан үлэлээбитэ. Онтон ыла 1947 с. диэри Сталин аатынан, «Кыһыл трактор», Ворошилов аатынан холкуостарга тракториһынан үлэлээбитим диэн ахтыытыгар суруйар.

1945 сылтан саҕалаан мастарыскыайга өрөмүөҥҥэ сварщигынан 1974 сылга пенсияҕа тахсыар диэри оройуоннааҕы «Сельхозтехника» холбоһугар үлэлиир.

Хос эбэбин «Сварщик Дуунньа» диэн ааттыыллар эбит. Кини ыраах тыаҕа, бааһынаҕа үлэлии сылдьар техника алдьаннын да түүн, күнүс буоллун сыбааркалаан кэлэрэ. Үлэтин быыһыгар алдьаммыт массыына, матассыыкыл камератын абырахтыыра. Туспа сыбааркалыыр, абырахтыыр миэстэлээҕэ.

Уһун сыллаах таһаарыылаах үлэтинэн «1941-1945 сс. Аҕа дойду Улуу сэриитин сылларыгар килбиэннээх үлэтин иһин», 1970 с. «В.И. Ленин төрөөбүтэ 100 сыла» мэтээллэринэн наҕараадаламмыта. Тэрилтэ, оройуон салалтатын Бочуотунай грамоталарынан бэлиэтэммитэ, «Социалистическай куоталаһыы кыайыылааҕа» бэлиэни туппута.

 

Автор: Скрябина Алёна, 11 «В» кылаас, 17-с оскуола. Дьокуускай куорат.