Старкова (Винокурова) Матрена Васильевна (1900 с.т.)

Старкова (Винокурова) Матрена Васильевна (1900 с.т.)
1900 сыллаахха Өймөкөөн оройуонун Томтор нэһилиэгэр төрөөбүтэ. Аҕата Винокуров Василий — Кыйма Баһылай, мас ууһа.

Муома оройуонун Төбүлэх нэһилиэгин олохтооҕор Старков Иннокентий Никифоровичка кэргэн тахсан, үлэлээн-хамнаан, 10 оҕо тапталлаах ийэтэ буолан олорбута. 100 сааһын туолара аҕыйах ый хаалбытын кэннэ 1999 сыллаахха ыарахан ыарыыттан олохтон туораабыта.
Наҕараадалара:
1. «1941-1945 сылларга Аҕа дойду улуу сэриитигэр килбиэннээх үлэтин иһин» мэтээл;

2. «Ийэ Албан аата» I, II, III истиэпэннээх орденнар;

3. Улуу кыайыы 30, 40, 50 сыллардаах үбүлүөйдээх мэтээллэрэ;

4. «Үлэ бэтэрээнэ»

5. Элбэх бочуотунай грамоталар, махтал суруктар.

Матрена Васильевна өр сылларга холкуоска ыанньыксытынан үлэлээбитэ. Хатыҥ туоһунан  ыаҕас, чабычах, саар ыаҕас, кыра буочука курдук, арыы уурар улахан туос иһиттэри тигэрэ .

Сайын аайы эр дьон бары окко, кыһын булка тахсаллара, кэргэттэрэ оҕолорунаан хаалан бэйэлэрин үлэлэрин таһынан эр дьон үлэлиир үлэлэрин барытын бэйэлэрэ оҥороллоро, отторун-мастарын бэйэлэрэ тиэйэллэрэ, ууларын басталлара. «Үчүгэй» диэн тоҕойго ынахтарын өрүс унуор харбатан таһааран сайылыкка көһөллөрө.

Сэрии ыар сылларыгар ыһыырынньык сырдыгынан үлэлэрин кэнниттэн түүннэри олорон куобах тириитинэн үтүлүк, бэргэһэ, кээнчэ тигэллэрэ, ону фроҥҥа сылдьар саллааттарга баһыылка оҥорон ыыталлара.

10 оҕону төрөппүтэ, ону таһынан 4 тулаайах оҕону ииппитэ, дьоһун дьон оҥортообута. Сиэннэрэ, хос сиэннэрэ үрдүк, орто анал үөрэхтээхтэр. Ыал ийэтэ, аҕата буоланнар оройуоннара сайдарыгар үлэлии-хамныы сылдьаллар.

 

 

Автор: В.Старкова, ученица 3 класса.