Сорова (Винокурова) Татьяна Кирилловна (1915 г.р.)

 

 

Үлэ тыыл бэтэрээнэ

Харбалаах бөһүөлэгин бочуоттаах олохтооҕо этэ.

 

1915 сыллаахха Уус Майа оройуонун Күп нэһилиэгэр холкуостаах дьиэ кэргэнигэр төрөөбүтэ. Элбэх оҕолоох ыал Винокуровтар ортоку кыыстара этэ. Уус Майаттан эбээбит Татьяна Кирилловна Таатта оройуонугар олохсуйбута . Бырааттара Лев Кириллович, Яков Кириллович Томпо оройуонугар Хаандыга бөһүөлэгэр олохсуйбуттара. Салайар үлэҕэ үлэлээбиттэрэ.

Татьянва Кирилловна дьиэ уот үлэтигэр сыстаҕас, туруу үлэһит этэ. Оҕо эрдэҕиттэн оттоон мастаан,иистэнэн үлэҕэ барытыгар эриллэн сатабыллаах этэ.

Ол кэмнэргэ Аааллаах Үүнтэн таһаҕас таһаллара. 1938 сыллаахха биһиги эһэбитин Соров Михаил Герасимовиһы көрсөн ыал буоланнар Таатта оройуонун Көрдөрүүлээх колкуоһугар көһөн кэлэн олорбуттара.

Татьяна Кирилловна хайа да үлэттэн чаҕыйан турбат туруу үлэһит этэ. Колхуос үлэтигэр бастыҥнара этэ. Кэргэнэ Михаил уоттаах сэриигэ барыа5ыттан уустук кэмнэргэ туруу  үлэни санныгар сүкпүтэ.

Сэрииттэн кэлбит кэргэнин бары саҕалааһыннарыгар  Татьяна Кирилловна тирэх буолара. Ол курдук Михаил Герасимович кадровай булчут буолан икки төгүллээн Москва куоракка ВДНХ выставкатыгар ыҥырыллан чиэстэнэн турардаах .

Бу манна Татьяна Кирилловна кылаата сүҥкэн. Бултаабыт булдун тириитин таҥастаан, туттаран, тэрийэн хомуйан улахан суолталаах үлэни оҥорбута.

Татьяна Кирилловна, Михаил Герасимович үтүө олохтоох, туруу үлэһит ыал буолан үс уол оҕону төрөтөн ньир бааччы олорбуттара.

 

 

Автор: Т.Г.Попова (Сорова)