Соловьева Степанида Николаевна (1925 г.р.)

БиҺиги ийэбит Степанида Николаевна Соловьева (Потапова) Нам улууһун Арбын нэһилиэгэр 1925 с. От ыйын 1 күнүгэр  Анастасия уонна Николай Потаповтар дьиэ кэргэннэригэр иккис о5онон кун күн сирин көрбүтэ. Степанида Николай диэн убайдаах, Мария диэн балыстаах этэ. Төрөппүттэрэ эрдэ өлөн, оҕоло тулаайах хаалбыттара. Сэрии ыар сыллара саҕаламмыттара, убайдара Николай  сэриигэ барбыта. Степанида 6алтын Марияны батыһыннара сылдьан, ыалларга дьукаах олороллоро, ол сылдьан таҥнар кыһалҕаттан бэйэтигэр, балтыгар уонна дьукаах ыалыгар таҥас  тигэрэ. Сэрии сылларыгар Степанида налоговай агенынан үлэлээбитэ, нэһилиэктэри  кэрийэ сылдьан нолуок хомуйара, Намҥа киирэн хомуйбут нолуогун тэрилтэтигэр туттарара.

Соловьева Степанида Николаевна килбиэннээх үлэтин иһин  диэн Сталин төбөлөөх мэтээлинэн  18 сааһыгар наҕараадаламмыта. Бу эдэркээн кыыс хайдах курдук хорсуннук үлэлээбитин көрдөрөр дьиҥнээх туоһу буолар. Сэрии кэнниттэн үксүн хонуу үлэтигэр, от-мас тиэйэн, борохуот саһаанын маһын охсон, күрүө туруоран үлэлээбит. Онтон ыанньыксыттаабыта. Эрдэ кэргэн тахсар. А5абыт Семен Николаевич Иванов хопкуоска суотчутунан үлэлээбит. Холкуостары бөдөҥсүтүү кзмигэр уонна о5олонон-урууланан бараннар, Уус Таатта5а көһөн кэлбиттэр. Маҥнай указ ферма5а учуотчугунан, ыанньыксытынан, онтон 15 сыл биэнсийэ5э тахсыар диэри интэринээккэ таҥас сууйааччынан улэлиир. А5абыт 52 эрэ сааһыгар олохтон туораабыта. Ийэбит 5 оҕону соҕотоҕун  иитэн, уөрэттэрэн, киһи- хара гыммыта. Үлэһит  дьон буоларбытыгар, биэнсийэҕэ тахсан да баран олорботоҕо,  улэлээбитэ, билиҥҥи курдук, көрдөөх-нардаах оҕо саас дьолун билбэтэҕим эрээри,үлэни кыайа,сатыы үөрэммит буоламмын, үлэлээн дьолломмутум. — диирэ биһиги ийэбит.

 

 

Автор: О.С.Борщевская