Соловьева Евдокия Николаевна      (1926-1990 сс.)

Мин хос эбээм Соловьева Евдокия Николаевна (1926-1990 сс.) үлэ, тыыл бэтэрээнэ, элбэх оҕо ийэтэ, эбэтэ. Харыйалаахха III Малдьаҕар сэттэ кылаастаах оскуолатын 1942 сыллаахха ситиһиилээхтик үөрэнэн бүтэрбитэ. 1946 с. ЫБСЛКС кэккэтигэр киирбит. Сэрии кэмигэр почтальонунан, кэлин үлэтин Тумуллааҕы оҕо уһуйааныгар, «Орджоникидзевскай» совхоз Тумуллааҕы отделениятыгар кассирынан, Тумуллааҕы фельдшерскай-акушерскай пууҥҥа санитарканан бочуоттаах сынньалаҥҥа тахсыар диэри үтүө суобастаахтык үлэлээбитэ. Эбээм нэһилиэккэ ыытыллар тэрээһиннэргэ мэлдьитин кыттара, нэһилиэк олоҕун-дьаһаҕын туһунан оройуон хаһыатыгар сырдатара, оскуолаҕа мэлдьи төрөппүт кэмитиэтин чилиэнэ этэ. Эбээм наҕараадалара — ССРС Ийэ буолуу 2-с истиэпэннээх мэтээл (1989с.), «1941-1945 сс. Аҕа дойдуну кɵмүскүүр сэриигэ үлэҕэ килбиэнин иһин» (31.01.1947), Үлэ бэтэрээнэ (15.06.1977), Аҕа Дойду Улуу сэриитигэр Кыайыы 30, 40 сылыгар аналлаах мэтээллэр.

Мин хос эбээм уонна эьээм Аҕа дойду сэриитин бириэмэтигэр оҕо саастара ааспыт, сэрии кэнниттэн дойду олоҕун чөлүгэр түһэриигэ кыттыспыт эдэр ыччат буоланнар, күүстээх санаалаах, сырдыкка-кэрэҕэ талаһар дьон этилэр.

Эбэм, эһэм дьоннорун туһунан оройуон хаһыатыгар суруйбут ыстатыйалара  дьиэ кэргэн архыыбыгар кичэллээхтик харалла сыталлар. Ол курдук, хос эһэм Егор Егорович Христофоров Кыайыы 25 сылыгар анаан «Лена маяктара» хаһыат 27.02.1970 нүөмэригэр тахсыбыт «Сүрэх аһыыта ааспат» уонна хос эбээм Евдокия Николаевна Соловьева Кыайыы 45 сылыгар «Эйэ, ил олохсуйдун» 09.05.1990 оройуон хаһыатыгар бэчээттэммит ыстатыйалара бааллар.

 

Автор: Н.Соловьева, ученица 4 класса