Биһиги хос эһээбит Соловьев Иннокентий Федорович кини туһунан ахтан-санаан эттэххэ, тыыл ветерана, сэрии сылларыгар бэйэтин харыстаммакка улуу кыайыы туһугар үлэлээн-хамнаан сыратын биэрбитинэн киэн туттабыт. Хос эһээбит 1921 сыллаахха Тохсунньу 30 күнүгэр Үөһээ Дьааҥы Эҥэ нэһилиэгэр биэс уол оҕолоох, үлэһит дьиэ кэргэҥҥэ төрөөбүтэ.

Түөрт кылааһы бүтэрээт холкуоска улахан дьогу кытта  тэҥҥэ үлэлээн саҕалаабыта. Сокуоннай сааһын туолбакка да сылдьан Дьааны курдук ыраах сиртэн Уус-Алдаҥҥа сылгы үүрэн агалыыга кыттыбыта, онно харса хабарда суох үлэһит дьону талбыттар үһү. Хомсомуол уурагынан сэриигэ түүллээх тутуутугар, таба ыстаадатыгар үлэлээбит. Онно сылдьан хос эбээбитин Шадрина Ф. В. сүүгүннэрэн аҕалан тоҕус огону төрөппүттэр. Эҥэ нэһилиэгэр булчутунан, балыкчытынан , сүөһүгэ, саһылга , сылгыга барытыгар ханна ыарахан үлэ баар онно үлэлээбит. Сайын аайы аҕата суох тулаайах оҕолору мунньан , оккооҕо биригээдэтэ тэрийэн, үлэҕэ уһуйатаан, сыл аайы ыытыллар социалистичэскай үлэ күрэҕэр бастаан, көһө сылдьар кыһыл вымпел хаһаайыннара буолан, килбиэнин иһин «Знак Почета» орден кавалера үрдүк аатын ылбыта. Улахан тутуутарга, нэһилиэк кулууба, этээстээх дьиэлэр, маҕаһыын тутуутугар биригэдьиирдээбит. Ситиһиилээх үлэтин иһин элбэх мэдээл , грамота, малынан биэрэр фонда хаһаайына этэ диэн куруук киэн тутта кэпсииллэр оҕолоро, сиэннэрэ. Олус диэн грамотнай, үчүгэй буочардаах, нэһилиэк библиотекатын биир бастыҥ ааҕааччыта, дьиэтигэр биир истиэнэ тобус толору кинигэлээх, ону таһынан хотугу сулус сурунаалга, хаһыакка уһуйээннэри, кэпсэтэннэри суруйан бэчээттэтэрэ үһү

Мин хос эһээм эргиччи талааннаах, хоту дойду хоһууна диэн киэҥ туттабын. Хос эһээм Соловьев Иннокентий Федорович «Бочуот знага» орденынан «1941-1945» Аҕа дойду улуу сэриитигэр үлэҕэ килбэнин иһин , улуу кыайыы 50 сылынан мэтээллэринэн, үтүө үлэтин иһин элбэх кырааматаларынан, махтал суруктарынан наҕараадылламыта.

 

Т. Сон.  1В кылаас үөрэнээччитэ