Солдатова Мария Николаевна (1928-2013)

Эhээм бииргэ төрөөбүт эдьиийин ахтыытыттан:

Солдатова Мария Николаевна – 1928 с. Энэ нэhилиэгэр элбэх оҕолоох, улэhит Соловьевтар дьиэ кэргэннэригэр бэhис оҕонон төрөөбүтэ. Аҕата Соловьев Николай Николаевич үйэтин тухары сылгыhыт этэ. Ийэтэ Чирикова Евдокия Васильевна фермаҕа сүөhүгэ үлэлээбитэ, кэлин ыалдьан Аhарга оскуолаҕа харабылынан үлэлээбит. Илиитигэр наhаа талааннаах олус үчүгэй иистэнньэн, уус эбит.

Ийэбит Мария Николаевна 7 кылааhы бүтэрэн баран маӊнай фермаҕа сүөhүгэ үлэлээбит, онтон кэлин 1948 с – 1965 с диэри фермаҕа асчытынан үлэлээбит. Онтон кэлин аҕабыт өлбүтүн кэннэ 1965-1991 с. диэри Энэтээҕи оҕо уhуйааныгар ньээнкэнэн үлэлээбитэ. Ийэбит барахсан эдэр сааhыгар огдообо 9 оҕону кытта соҕотох хаалан олох очурдарын, ыараханын барытын этинэн-сиининэн билбит киhи буолар. Ол да буоллар хаhан да санаатын түhэрбэт, ыарахаттартан чаҕыйбат күүстээх санаалаах этэ. Наhаа уус, үчүгэйдик иистэнэр, дьаhаллаах этэ. Ийэбит барахсан сайынын оттуура, от сүгэрэ, сүөhү бөҕө иитэрэ. Онон 9 оҕо бары биирдэ да эппитинэн томмокко, аччыктаабакка Ийэбит барахсан баар буолан кыhалҕа диэни билбэккэ улааппыппыт. Сытыары сымнаҕас майгылаах, олус көнө, үлэhит этэ. Ийэ албан аата «Материнская слава» үс орденынан барытынан наҕараадаламмыта 1, 2, 3 степеннээх. Yлэ, тыыл Ветерана, Дьааӊы Бочуоттаах гражданина аат иӊэриллибитэ. Элбэх Кыайыы юбилейнай мэтээллэринэн наҕараадаламмыта. 9 оҕотун барыларын үөрэхтээбитэ. Кэлин сиэннэрин ситиhиилэринэн, үөрэхтэринэн истэн олус киэӊ туттара. 9 оҕо, 24 сиэн, 25 хос сиэн тапталлаах ийэбит, эбэбит, хос эбэбит 2013 сыллаахха 85 сааhыгар олохтон бараахтаабыта. Ийэбит сырдык мөссүөнэ куруук сурэхпитигэр, ыччаттарыгар..

 

 

А.Сидоров  5в кылаас, МОБУ «Саха гимназия»