Слепцова (Неустроева) Анна Михайловна (1930 г.р.)

Мин күндүттэн күндүтүк саныыр хос эбэм Слепцова (Неустроева) Анна Михайловна, Нам улууһун Арбын нэһилиэгин кэрэ айылҕалаах Чэккээччитигэр 1930 сыл алтынньы ый 14 күнүгэр күн сирин көрбүтэ. Төрөппүттэригэр Неустроев Михаил Алексеевичка уонна Иванова (Гоголева) Авдотья Михайловнаҕа алта оҕоттон соҕотох хаалбыт кыыстара буолар. Ойор оҕо сааһа төрөөбүт Чэккээччитигэр ааспыта. Ол кэминээҕи олох ыарахан үлэтин этинэн-хаанынан билэн улааппыта.

Аҕа дойду сэриитэ саҕаланыытыгар эбэм 11 саастаах оҕо этэ.

Ол ыарахан бириэмэҕэ оҕолор оонньууну өрө туппаттар, үлэ барыта илиинэн буолан, улахан дьону кытта тэҥҥэ үлэлииллэрэ. Оонньоммотох оҕо сааhа ааспыта.

1949 сыллаахха хос эhэбин кытта Слепцов Иннокентий Иннокентьевичтыын ыал буолбуттара. Бу кэмтэн, 1950 сылтан бастакы уоллара Степан, Афанасий, Агафья, Нелли, Светлана, Розалия, Евдокия утуу-субуу төрөөбүттэрэ.

Элбэх оҕолоохпун диэбэккэ, өрүү хотоҥҥо сүөһү көрүүтүгэр, биир өрөбүлэ суох үлэҕэ сарсыардаттан киэһээҥҥэ диэри үлэлииллэрэ. Максим Кирович Аммосов совхоз Арбын отделениетын типовой хотонугар өр сылларга пенсияҕа тахсыар диэри сүөһү көрүүтүгэр, ньирэйдэри, субай сүөһүнү төлөрүтүүгэ бары күүһүн-кыаҕын биэрэн туран үлэлээбитэ. 60-нуу борооскуну көрөрүн таһынан 14-15 тулаайах ырыганнаабыт убаһалары кыстыкка бүөбэйдэһэн, сыл таһааран, сылгыһыттарга туттарара. Хотон үлэтэ сүрдээх ыарахан, отторун бэйэлэрэ киллэрэллэр, ноһуомнарын хотоҥҥо биир сыарҕалаах оҕус баарын уочаратынан таһаараллар. Сүөһүлэригэр комбикормунан хааһы оҥорон сиэтэллэр, ол хааһыны буһаралларыгар КВ оһохторун бэйэлэрэ оттоллор. Кыбыыттан сүөкэммит комбикорму бэйэлэрэ киллэрэллэр. Маннык ыарахан эппиэтинэстээх үлэни ылбычча киһи үлэлээбэт. Эбээм маннык үлэлээн бэриллибит сорудахтарын, былааннарын өрүү толорон хайҕалга сылдьара. Кини борооскулара куруутун улахан буолаллара.  Биһиги эбээбит улэтин таhынан, нэһилиэк общественноһын үлэтигэр активнайдык үлэлээн, олорон ааспыта.

Хос эбэм Анна Михайловна сүрдээх кэпсээнньит, асчыт, үтүө майгылаах үлэһит дииллэрэ, пенсия5а тахсан баран олохтоох клубка техническэй үлэһитинэн үлэлээбитэ. Үлэлээбитин устатын тухары өрүү инники кирбиигэ сылдьан «Социалистическай куоталаһыы кыайыылаҕа», «Чемпион борооску көрөөччү» — диэн элбэх знагынан бэлиэтэммитэ. Тус бэйэтэ элбэх республика, улуус Бочуотунай грамоталарынан наҕараадаламмыта.

 

Автор: хос сиэнэ — Петров С., 7 кылаас үөрэнээччитэ.