Слепцова Мария Николаевна (1932 г.р.)

 

Киhи бу орто дойдуга олох олороору, о5о төрөтөөрy, алаhа дьиэ тэринээри, төрдyн-ууhун ууhатаары, аатын ааттатаары, төрөтөр оҕону төлкөлөөрү, туох эмэ туhалааҕы оҥороору төрүүр.

Yлэ, олох үөрүүтүн, хомолтотун билбит, олох ыараханын ааспыт, кыайбыт-хоппут, эдэр сааhыгар үлэ арааhын дьулуурдаахтых үлэлээбит мин хос эбээм Слепова Мария Николаевна буолар.

Мария Николаевна 1932 сыллахха Орто Халыма оройуонугар Сыбаатайга Хайырдаах сир То5ойугар төрөөбүтэ. Оскуолаҕа 1941 сыллаахха үөрэнэ киирбитэ, интернакка олорбута. Оскуолаҕа биирдэ аhаталлара, онно ааччыктыылллар этэ. Оонньуур диэн суо5а. Бэйэлэринэн таhырдьа харах симсэн, туох көстөрүнэн ыскакаалкалаан, сабынан араастаан, хабылыктаан оонньууллара.

Сэрии буоларын истэллэрэ, обороно5а үөрэтэллэрэ, холобур: ньиэмэс саллаата кэлэн ааны аhан ытыалаата5ына, хайдах сиргэ сытынан кэбиhэргэ, хайыһарга, окопа ыстанарга. Yс кылаас үөрэ5и бyтэрээтин кытта окко үлэ5э ыыталлар, кыhын хотонно түүннүhүттүүллэр. Ол сылдьан о5уhyнан мас таhара, о5уhун аата «Кыллыыкы» диэн этэ, наар миинэн, сиэллэрэ сылдьара.

Сэрии кэнниттэн, 1948 сыллаахтан, 15 сааһыттан дояркалыыр этэ «Коммуна» диэн колхуоска. Онтон ыла пенсия5а тахсыар диэри үлэ арааhын үлэлээбитэ. 1972 сыллаахха килбиэннээх үлэтин иhин на5араадаланар, бу күҥҥэ диэри олус күндүтүк саныыр на5араадата. Илиитигэр кыахтаах-күүстээх буолан дьон хай5абылын, махталын ылара.

1981 сыллаахха бочуоттаах сынньалаҥҥа тахсан олорор. Аны күҥҥэ диэри дьиэтин иhигэр тутаах, күндү, киэн туттар киhибит.

Мин хос эбээм 6 о5олох, 16 сиэннээх, 5 хос сиэннээх.

На5араадалара: медаль «50лет Победы ВОВ 1941-1945 гг.», «Советского Союза», «Жукова», «Наше дело правое, мы победим. Доблестный труд в ВОВ 1941-1945гг.», «I-II степени материнства» уонна да атын элбэх мэдээллэрдээх.

Мин хос эбээм Слепцова Мария Николаевна быйыл 93 сааhын туолар. Билигин кини Орто Халыма оройуонугар Сыбаатайга олорор.

 

 

Автор: А.Кудрин, ученик 1 класса.