Екатерина Ивановна Слепцова (Брызгалова) (1909-1997сс)

Екатерина Ивановна Слепцова (Брызгалова) (1909-1997сс), Иван Иванович Слепцов.

Мин хос эбэм Кэтириис 1909 сыллаахха Алаас Моорук нэһилиэгэр Уйбаан уонна Балыгыас Брызгаловтар диэн ыал үһүс оҕотунан күн сирин көрбүт. Оскуола диэҥҥэ үөрэммэтэх. Кыра сааһыттан дьиэ ис үлэтигэр ийэтигэр көмөлөһөн улааппыт эбит. Улахан дьиэ кэргэн аһын- таҥаһын бэлэмнээһин, бырааттарын балыстарын көрүү кини санныгар сүктэриллибит. Бииргэ төрөөбүттэр тохсуолар эбит.

Хос эһэм уйбаан Куоллараттан төрүттээх буолан Бүтэйдээх нэһилиэгэр олохсуйан, дьиэ-уот тэринэн колхуос хаһан даҕаны бүппэт үлэтигэр мүкүллэн дьон тэҥинэн олороллор. Төһө да кырымчык олохтоох буоллаллар биэс оҕолорун барыларын оскуолаҕа үөрэттэрэллэр, идэни ылларан, ыал оҥортолоон бэйэлэрин төрөппүт эбээһинэстэрин чиэстээхтик толорбуттар.

Иван иванович кыайыгас, бүгүрү үлэһит буолан сут-кураан,  сэрии сылларыгар дьиэ кэргэнин улахан быстарыыга тиэрдибэтэҕэ.

Дьон кэпсииринэн Уйбаан Силэпсиэп соргута- талаана көлөнөн үлэҕэ тахсар эбит. Ол курдук, сэрии кэмигэр от охсор косилкаҕа наара оҕуһу көлүйэн, саҥардыы оҕус муннун кыайар буолбут уолун Арамааны (Роман Иванович Слепцов (1931-1998)) көлө иччитэ гынан Куоллара толооннорун оҕустарара.

Хос эбэм Кэтириис колхуоска сүөһү көрүүтүгэр, ыанньыксытынан, балыыһаҕа остуораһынан, санитарканан уһуннук, үтүө суобастаахтык үлэлээбитэ.

 

Автор: А.Семенова 6 “б” кылаас