Слепцова Александра Митрофановна (20.03.1913 – 14.03.1995 гг.)

 

Слепцова Александра Митрофановна II Хаҥалас нэһилиэгин, Дүөнсэ диэн улуутуйан олохсуйбут өбүгэлэрбит төрүт сирдэригэр, таҥара дьиэлээх оскуолалаах, Аҕа ууһунан олорбут Слепцовтар дьиэ кэргэттэригэр, Слепцов Митрофан Иванович, Слепцова Варвара Спиридоновна (Абый) икки кыыс кэнниттэн үһүс оҕонон 1913 сыллаахха кулун тутар 20 күнүгэр күн сирин көрбүтэ. Ийэтэ 1927с тохсус оҕотун төрөтөөрү орто дойдуттан барбыта. Ийэтэ өлөрүгэр эдьиийдэрин кытта от-мас тиэйэр, илии-атах буолар оҕо хаалбыта. Дүөнсэ оскуолатыгар үөрэнэн латынньыы букваны үөрэтэн илии баттыыр буолбута. Тулаайах хаалан баран эдьиийдэрэ 15-16-лаах кыргыттар артыалга членынан киирэн хотон улэһиттэрэ буолбуттара. Кэлин тастын убайа Слепцов Андрей Тимофеевич иитэ ылар. Харатын күүһүнэн улэлээн таба бөҕөнү, сылгыны иитэн улэһит бэрдэ киһи эбит, сырыыта-айана киһиэхэ тэҥнэспэт киһи диэн кэлин кэпсиирэ. Окко-маска сүөһү үлэтигэр сылдьыбыта. Убайын олус үчүгэй сыһыаннаах этэ хамначчыт курдук оҥостубатаҕа диирэ. Убайын кэлин кулаактаабыттара, ол кэннэ Александра Митрофаовна Калинин артыалга чилиэн буолбута. Александра кыайыгас-хотугас, чаҕыйбат, ханнык да үлэттэн толлон турбат туруу улэһит буолан улаатар.

Мас кэрдиитэ, от үлэтэ килиэп астааччы, повар, сылгыһыт, эдэр эрдэҕинэ сылгы айааһыыр идэлээх эбит. Ханнык баҕарар сылгыны сыһытар этэ диэн кэпсииллэрэ. Орто Халыма куораттан Халыма өрүһүнэн 2-көстөөх Лобуйа диэн бөһүөлэктэн ырдыы тардаллар эбит. Москваттан салалталаах (Колымское снабжение) туох баар табаары өрүһүнэн аҕалан Лобуйаҕа сүөкүүллэр эбит. Нэһилиэктэр бары онтон ындыы тардаллар эбит. II Ханалас нэьилиэгэр 20-тэн тахса костоох сиргэ 10-тан тахса көлөнөн ырдыы табаар арааһын малы-салы тиэйэр эбит этэ. Тоҥон-хатан наһаа эрэйдээхтик сатыы хаамара, суолга тибии буурҕа да буолара, сыарҕа да алдьанара. Ити үлэтигэр хайҕал сурук уонна премия ылбытым (метрэлээх танас) диэн үөрэрэ. Саас 1943 сыл кэргэнин көрсөн 30 сааһыгар кэргэн тахсан II Хаҥаластан көһөр. Байды нэһилиэгин Хатыннааҕар ыал буолаллар. Кэлээт улэ үөһугэр түһэллэр. Учаастакка сүөһүгэ от тиэйэр, сарсыарда тын хатыыта, киэһээ им сүтүүтэ буолуор диэри үлэлиирэ.

1987 сылтан инсульт ыарыыннан ыалдьан суорҕан-тэллэх киһитэ буолан, 9 сыл сытан баран 1995 сыл кулун тутар 14 күнүгэр сырдык тыына быстыбыта. Уоскулан, сынньалан олоҕу олорботох киһи. Аҕыс оҕону төрөтөн, сэттэ оҕону иитэн-аһатан атахтарыгар туруортаабыттара. Александра Митрофановна оҕолоругар 1,2,3 степеннаах мэдээллэрдээх.

Былаас уларыйыытын кэннэ Сталин мэдээлинэн, үлэ-тыыл ветеранын мэдээлинэн наҕараадаланар.

Эбээбит сырдык сэбэрэтэ биһиги сүрэхпитигэр өрүү баар буолуоҕа.

 

 

Автор: Слепцов А., 9 класс