Слепцов Петр Иванович 1934с.

Колхознай-совхознай тутуу, үлэ уонна тыыл ветерана Слепцов Петр Иванович 1934с. тохсунньу 2 кунугэр Муома оройуонун Индигир нэһилиэгэр элбэх о5олоох дьиэ кэргэҥҥэ төрөөбүтэ. А5ата, ийэтэ өлөн, 1940 сыллаахха 2-с кылаас кэнниттэн оскуолаттан уурайарга күһэллибитэ. Сэрии сылларыгар өстөө5у кыайар туһугар оҕо, дьахтар, кырдьа5ас бары и дьону кытта тэҥҥэ колхоз араас үлэтигэр үлэлииллэрэ. Ол курдук мин эһэм оскуолаттан уурайыа5ыттан ыла кыһын сүөһү, сайын от үлэтигэр үлэлиирэ.

Оҕо сааһыттан «Сталин» аатынан, кэлин «Победа» колхозка үлэ5э эриллибитэ. 1949 сылтан «Муома» совхозка кадровай булчут буолбута, байанайдаах булчут мындыр идэтин баһылыырга олоҕун анаабыта, аар тайҕаны кытта доҕордоспута. Сүүһүнэн тыһыынча сууммалаах күндү кылааннаа5ы бултаан Ийэ дойдутун валютнай фондун хаҥатыыга элбэх сыратын-сылбатын, сатабылын ууран, төрөөбүт Сахатын сирин биллиилээх сонордьуттан биир бастыҥнара буолары ситиспитэ. Колхоз уонна совхоз ханнык баҕарар үлэтигэр бэриллэр сорудахтары уонна былааннары аһары толорон үрдүк көрдөрүүлэри ситиһэрэ. Тиэрдиллибит былаанын икки, үс, бэл түөрт бүк толорор этэ. Оройуоҥҥа сүүрбэттэн тахса сыл чемпион-булчут аатын сүкпүтэ. Түөрт төгүл Москва куоракка норуот хаһaaйыстыбатын быыстапкатыгар бара сылдьан 3 боруонса, 1 үрүҥ көмүс мэтээллэринэн наҕараадаламмыта. Кини биир пятилеткаҕа икки-икки аҥаар пятилетка былаанын толорор идэлээҕэ. Итинник дьаныардааах үлэтин түмүгэр IX-c, X-c, XI-c пятилеткаларга субуруччу ударник бэлиэтин ситиспитэ, социалистическай куоталаһыы кыайыылааҕынан буолбута. Таһaарыылаах үлэтэ үрдүктүк сыаналанан, «Тыа хаһаайыстыбатын үтүөлээх үлэһитэ» аатынан, «Үлэ Албан аатын» II, III степеннээх орденнарынан бэлиэтэммитэ, Муома улууһyн бочуоттаах гражданинын үрдүк аата киниэхэ иҥэриллибитэ, хас да мэтээллэринэн уонна үгүс бочуотунай грамоталарынан наҕараадаламмыта.

 

 

Автор: Д.Слепцов 3в кылааһын үөрэнээччитэ.