Скрыбыкин Петр Петрович

Скрыбыкин Петр Петрович

Скрыбыкин Петр Петрович Мэнэ-Ханалас оройуонугар Догдогинскэй нэһилиэккэ төрөөбутэ.

Кини артыаллар бастакы тэриллиилэригэр чилиэнинэн киирбитэ. Урукку «Кыһыл сулус», кэлин Ворошилов аатынан колхозка производствоҕа сурэҕин-быарын ууран, чиэьинэйдик улэлээбитэ, хас да сыл биригэдьииринэн, кэлин бостуугунан улэлии сылдьыбыта. Бэйэтин кыһамньылаах, сылайары-элэйэри билбэт улэтинэн ударник бочуоттаах аатын сүкпүтэ. Хайхалы, бириэмийэни угустук ылбыта.

Суостаах-суоллаах 1942 сыллаахха бэс ыйыгар Армияга ыҥырыллыбыта. Калининскай фронна сулууспалаабыта. Атаҕар бааһырыы ылан үһүс группа инбэлиит буолан 1943 сыллаахха дойдутугар кэлбитэ.

Үлэ фронугар Кыайыы туһугар уһаныыга көмөлөһөн, эйэлээх улэни салҕаабытынан барбыта. 1960 сыллаахха диэри колхоз производствотыгар илиитин араарбакка улэлээбитэ.

Сэриигэ активнайдык кыттыбытын иһин «Хорсунун иһин», 1941-1945 с.с. Аҕа дойду Улуу сэриитигэр «Германияны кыайыы иһин» уонна юбилейнай медалларынан наҕараадаламмыта. Сэрии ветерана, төһө да сааһыгар, улэлиирин хамныырын тохтоппотого, 1960 сылтан Майа сэлиэнньэтин араас тэрилтэлэригэр уонча сыл устата кочегардаабыта.

Дьиҥинэн, талбыт оголоругар сиэннэригэр кэтэгириин оронно кэтэҕиттэн тардыһан, тиэрэ туһэн сытар толору бырааптаага.  Ол эрээри оннугу ончу багарбат этэ. Куруутун туттара-хаптара сэниэлээх, дьиэтигэр тэһийэн-тулуйан уһуннук олорбот, мэлдьи туохха эрэ тиэтэйбит быһыынан кэлэрэ-барара, барыта наадага.

Кырдьар диэни билиммэккэ Ленин аатынан совхоз Манчаары аатынан отделениятыгар сыарга, онтон да атын тэриллэри, М. Петров аатынан отделениягар күрдьэх, ынах ыыр олоппос онорон биэрэрэ. Сайын ахсын оттоон тахсара. Итинэн кини сүөһүнү аьылыгынан хааччыйыыга бэйэтин кылаатын эмиэ киллэрэрэ. Кырдьары билбэт урукку буойун ологун дьол-соргу, үөрүү-көтүү олоҕун тухары арыаллаабыта.

Автор Винокуров М.