Скрябина Татьяна Николаевна

Хос эбээбит 1917 сыллаахха бэс ыйын 2 күнүгэр I дьөппөн төрөөбүтэ.

6 сааһыгар дылы улахан эдьиийигэр Настааҕа оҕо көрсөн, Хааҕа олорбута. Дьөппөҥҥө ийэтигэр, саҥа оскуола остуораһыгар, көмөлөһө-көмөлөһө, 4 кылааһы бүтэрбитэ. Олох ыарахана кыһайан, Үлэ киһитэ буолбута. Лизбеккэ икки сыл улахан дьону үөрэппитэ.

1935 сыллаахха Скрябин Гаврил Филипповичка (Ньэлбэккэ Скрябинигэр) кэргэн тахсабыта. 1936 сыллаахха бастакы оҕотун төрөппүтэ. Бастаан тыаҕа Туоһалаанынан, Харыйалааҕынан олорбуттара. Тыаҕа колхуос араас үлэлэригэр сылдьыбыта. 1938 сыллаахха дойдуга көһөн киирэн, Орто Сайылык колхуос араас үлэлэригэр сылдьыбыта. 1938 сыллаахха дойдуга көһөн киирэн, Орто Сайылык колхуоһугар холбоспуттара. Сэрии инниттэн саҕалаан үүт астааччынан, килиэп үтээччинэн, колхуос кассиирынан, ревизия чилиэнинэн талыллан, өр сылларга колхуос баайын учуоттааһыҥҥа эҥкилэ суох үлэлээбитэ. Кыһынын-күһүнүн колхуос ыскалаатыгар бурдук ыйаан, сиэмэ талан, тоҥоро-хатара. Сайынын ферма үүтүн барытын илиинэн эрийэн-астаан харайара, үллэрэр этэ. Сэрии сылларыгар эти-арыыны, бөлөнөҕү, килиэби хас биирдии киһиэхэ тиийэр гына, тэбис-тэҥҥэ үллэрэн, дьон махталын ылбыта. Бу уустук үлэҕэ биирдэ да сэмэлэммэтэҕэ, чиэһинэйин иһин дьонтон хайҕанара. Кэлин пенсияҕа тахсыар дылы сүөһүгэ үлэлээбитэ.

Кэргэнинээн 10 оҕоттон 6 оҕону атахтарыгар туруоран үлэһит оҥортоон, сиэннэрин көрөн улаатыннартаабыта.