Скрябин Николай Григорьевич (1917 г.р.)

 

1917 с. атырдьах ыйын 18 кунугэр 1- Дьөппөн нэһилиэгэр орто бааһынай кэргэнигэр төрөөбүтэ. Оччолорго оскуола чугас эргин суох буолан, 15 саастааҕар булгуччулаах үөрэхтээһин буолбутугар үөрэххэ киирбитэ. Тиит-Эбэ ситэтэ суох орто оскуолатын 7 кылааһын 1937 с. бүтэрбитэ. Салгыы үөрэнэр кыаҕа суох буолан төрөөбүт дойдутугар үөрэҕэ суохтары үөрэтээччинэн 1938-1940 сс. үлэлээбитэ.

1940-43 сс. “Маяк” колхоз счетовода
1943-45 сс. аналлаах балык артыалын балыксыта
1945-51 сс. Тимошенко аатынан колхоз счетовода
1951-58 сс. Жданов аатынан бөдөнсүйбүт колхоз кылаабынай бухгалтера, кэлин сылларга кылаабынай бухгалтер көмөлөьөөччүтэ
1958-62 сс. Ленин аатынан колхоз кадровай булчута, сайынын тутуу үлэһитэ
1962-70 сс. 1-Дьөппөн нэһилиэгин исполкомун секретара, кэлин 2-с сылыгар старшай бухгалтер
1970-75 сс. “Октябрь 50 сыла” совхоз кадровай булчута. Пенсияҕа тахсыбыта

1940 сыллаахха “Маяк” колхозка суоччутунан талаллар, 1942 с. сайын сэриигэ барарга ыҥырыллан баран, доруобуйатынан комиссияны ааспакка төннүбүтэ. 1943 сыллаахха колхозтарын аналлаах балыгы бултуур артыалын кубулуталлар. Туруу үлэһит, кыанар дьону сүүмэрдээн, ыраах атын оройуоннарынан, өрүс устун уста сылдьан балыгы бултуур биригээдэ тэрийэллэр. Хос эһэбит ол биригээдэгэ икки сыл устата балыксытынан сылдьар. Өлүөнэ өрүс устун оҥочонон устан ыраах Булуҥҥа тиийэ, “Остуолба хайаҕа” дылы сылдьыбыт сирдэрин ааттаан-суоллаан, Саха сирин картатыгар көрдөрө-көрдөрө, хайдах араас быһылааҥҥа түбэспитин, буурҕаҕа түбэһэн тимирэ сыспыттарын, айаннарын, үлэлэрин, атын оройуон дьонун сэргэтин айылҕатын туһунан олус үчүгэйдик кэпсиирэ. 1945 с. “Тимошенко” аатынан колхозка суоччутунан талаллар.“Суоччут Ньукулай” аатынан чугас-ыраах нэьилиэктэргэ, оройуоҥа биллибитэ. Бииргэ үлэлээбит, алтыспыт дьоно-сэргэтэ кини үлэтэ, отчуота чуолкайын, чиэһинэйин, элбэх саҥата суох, сэмэй майгытын биһирээн, олоххо холку-киэҥ көрүүлээҕин ытыктыыллара. “Аҕа дойду сэриитин сылларыгар килбиэннээх үлэтин иһин”, Кыайыы 30, 40 сылларынан юбилейнай, “Ветеран труда” мэтээллэринэн наҕараадаламмыта.

 

 

 

Автор: Скрябина А., 5 класс