Сивцева (Местникова) Варвара Дмитриевна (1935 г.р.)

Суруллубутунан төрөөбүт күнүм, сылым 1935 сыл кулун тутар 25 күнэ Уус-Алдан оройуонун I Курбуһах Дьаарын сирэ. Бэйэм 1934 с күһүнүгэр төрөөбүппүнэн ааҕынабын.

Улуустааҕы архыып умайан ол кэминээҕи туоһулуур докумуоннар суохтар. Ийэм Говорова (Местникова) Анна Михайловна 3 саастаахпар сөтөл буолан өлбүт. Аҕам Местников Дмитрий Николаевич 1943сыл сут кэмигэр, саас Манчаарылаах диэн алаааска олорор Дьэбдьиэй диэн ийэлээх 3 оҕолоох,  сүөһүлээх ыалга баран иһэн хоргуйан охтубут. Баҕар тугу эмит ыстыыр бэрсиэхтэрэ диэн бараахтаабыта буолуо. Аҕабын эрдэ өлбүт 8 киһини кытта ампаарга мунньан, саас барыларын биир ииҥҥэ көмпүттэр үһү. Ол саас куйуурга балык кэлэн атыттар тыыннаах хаалбыттар.

Төрөппүтэрэ өлбүт 8 тулаайах оҕону Көтөт сахатын дьиэтигэр дьааһыла диэн ааттааннар көрбүттэр, ол иһигэр мин баарым. Онно Пухова Варвара Васильевна кыһынын, Лөкүөйэ диэн дьахтар сайынын аһаппыттара. 3 а Сивцева (Местникова) Варвара Дмитриевна

 

Автор: МОБУ СОШ №7