Сивцева Евдокия Иннокентьевна (1919 г.р.)

 

Ахтыы хос хос эбэм, сэрии тыыл бэтэрээнэ – Сивцева Евдокия Иннокентьевна.

Эбэм, Евдокия Иннокентьевна 1919 сыллаахха, II Өлтөх Акаас аҕатын ууһун дьонугар төрөөбүтэ. Аҕата, Иннокентий Андреевич – Лэгиэн, ийэтэ, Евдокия Петровна Сивцевтар диэннэр эбит. Бииргэ төрөөбүт биэстэр. Кинилэр оҕо саастара олус ыараханнык ааспыта.

Эбэ Дьэбдьэни сэрии кэмигэр Уус Алдантан Алдаҥҥа үлэ фронугар ыыппыттар. Онно аҕыйах буолан барбыттар. Дьахтар киһиэхэ олус ыарахан үлэҕэ наар мас кэрдиитигэр, бэлэмигэр сылдьаахтаабыта.

Ол сылдьан бэйэтин биригээдэтигэр эппиэтинэстээх үлэһит буолар. Сэрии бүппүтүн кэннэ, Уус Алданнары ыла баралларыгар оруобуна тыаҕа маһын ааҕан туттара тахсыбыт кэмигэр тиийэннэр кыайан кэлбэккэ хаалар. Онно эбэ Дьэбдьэ биир дойдулаахтарын куоттаран олус хомойон, ытаабыт-соҥообут. Соҕотоҕун Алдаҥҥа хаалан хаалар. Ол хаалбытыгар, биир соҕотох олорор бас-көс эмээхсин ыҥыран дьукаах оҥостор. Оннук олордохторуна, сэрииттэн биир эдэр киһи кэлэр уонна киниэхэ эргэ тахсар. Эһэбит Николай Якович Павлов диэн эбэҥки, Япония сэриитин кыттыылааҕа. Эбэҥки буолан куруук тыаҕа бултууллар эбит удьуорунан. Элбэх табалаах сэниэ ыаллар. Таба аһылыгын эккирэтэн көс олохтоох дьоннор буолаллар. Бу кэмнэргэ Эбэ Дьэбдьэ икки оҕону оҕолонор. Мария уонна Юрий. Мария Николаевна диэн мин хос эбэм.

Кэлин эһэбит 1958 сыллаахха өлбүтүн кэннэ, эбэ Дьэбдьэ 1964 сыллаахха оҕолорун илдьэ дойдутугар, Уус Алдаҥҥа төннөр.

 

Ити курдук, мин хантан төрүттээхпин, хос, хос эбэм, эһэм туһунан элбэҕи биллим. Кинилэри куруук саныахпыт, ахтыахпыт!

 

Автор: А.Бочкарева, 2 кылаас.