Сивцев Семен Аввакумович Дата рождения: 1905-10-24

Место рождения: Чурапчинский улус, с Мугудай

Место работы: Чита

Должность: столяр

Сивцев Семен Аввакумович  1904 с. билиҥҥитэ Мугудай нэһилиэгэр, Нөгүөдэ диэн алааска элбэх оҕолоох Аввакум Еремеевич Сивцев дьиэ кэргэнигэр үһүс оҕонон төрөөбүт. Аввакум Еремеевич  кэргэнинээн сэттэ оҕону атаҕар туруорбуттар. Оччолорго Сивцевтэр дьиэ кэргэн бэйэлэрин көрүнэр, сүөһүлээх-астаах, сонуокка сыл тахсар бурдуктарын үүннэринэр, син сэниэ ыал эбит. Кыргыттарын, улаатыылара, атын нэһилиэк дьоно сүктэн барбыттар. Иннэ гынан Мугудайга Семен Аввокумович эрэ хаалбыт. Улахан эдьиийэ Анна, Мэлдьэхсигэ эргэ баран, Лазаревтар ийэ уустарын салгаабыт, иккис эдьиийэ Акулина Дьабылга кэргэн тахсан, Аммосовтар ийэлэрин ууһун тэниппит. Балта Мария, Төлөйгө Захаровтар диэн ыалга кийиит буолбут. Биир балта Варвара, Буечээнигэ олохтоох Толстоухов Николайга диэн киһиэхэ эргэ барбыт. Миитэрэй диэн бырааттаҕа сэрии эрэ иннинэ, 1940 с. ыалдьан өлбут, киниттэн оҕо-уруу хаалбатах. Кыра балта Ефросинья Платонов Романна кэргэн тахсан, Намҥа олохсуйбуттар.

Семен Аввакумович 1926 с. Дьаарыллаттан Боккуойа диэн кыыһы ойох ылан,  туспа ыал буолар. Эдэр ыал, уол оҕо төрөөбүтүн, Албакыын диэн сүрэхтииллэр, уоллара 3 сааһыгар тиийбэккэ ыалдьан өлөн хаалар. Кэлин утуу-субуу ус кыыс оҕолоноллор: Прасковья, Марфа уонна Анна.

Семен Аввакумович колхозка киирэн, үлэ үөһугэр сырыттаҕына, 1939 с. кэргэнэ Боккуойа симэхтээҕинэн ыалдьан охтор, кыра кыыстара бу кэмҥэ олорор оҕо эбит.

Боккуойа ыарах ыарыыттан өр барбат. Ол күнтэн Сэмэн үс оҕону соҕотоҕун иитэр кыһалҕаҕа түһэр. Улахан кыыһыгар, Прасковьяҕа, ийэтэ өлөрүгэр уон биирдээх кыыс хаалбытыгар, дьиэ иһинээҕи дьахтар үлэтэ барыта сүктэриллэр. Ол гынан, син ыал сиэринэн, оҕолорун аччыктаппакка, муор-туор түһэрбэккэ олордохторуна, сэрии буолан эрэрин улахан тэриэлкэ араадьыйанан истэн, аймалҕан бөҕөҕө түһэллэр. Дьон эдэр өттүн хомуйан илдьэ барбыттарыгар бары айманыы, ытаһыы буолбуппут диэн ахтан хаалларбыт улахан кыыһа Прасковья Семеновна. Ол сайын улаханнык курааннаан, аһыҥа киһини хаамтарбат, хоонньуга туолар хойуу гына

Автор записи: В.К.Шадрин