Сивцев Роман Иванович (1908-1980 гг.)

 

Мин хос эһэм аата Сивцев Роман Иванович, 1908 сыллаахха Саха автономнай сэбиэскэй социалистическэй республикатын (САССР) Уус-Алдан  оройуонун Дүпсүн нэһилиэгэр төрөөбүтэ.

Биир кылаас үөрэхтээхпин диирэ, бадаҕа Дүпсүн алын сүһүөхтээх оскуолатыгар үөрэммитэ буолуо.

1927 с. хос эһээм Уус-Алдан улууһун Эйэлээхтэр диэн сири кыттыһан үлэлиир табаарыстыбаҕа, онтон тирэх ылан 1929 с. тэриллибит «Сонун олох» колхозка чилиэнинэн киирэн, колхоз тэриллиэҕиттэн биригэдьииринэн үлэлээбитэ.

Сэрии сылларыгар производствоны дьоҕурдаах салайааччы курааны, суту утары охсуһууга дьону таба салайан, тэрийэн, Намынан тиийэ оттотон колхоз уопсай сүөһүтүн ахсаанын аччаппатаҕа. Бу иһин «1941-1945 сс. А5а дойду сэриитигэр килбиэннээх улэтин иһин» мэтээлинэн наҕараадаламмыта. Бөдөҥсүйбүт колхозка быстах салалтаҕа, кэлин сельпоҕа завхоһунан үлэлээбитэ.

1980 сыллаахха 72 сааһыгар күн сириттэн барбыта.

Хос эһэм кэргэнэ, хос эбэм Тихонова Агафия Афанасьевна кыра үөрэхтээх этэ. Колхозка от-бурдук хомуурун улэлэригэр, кыһынын от-мас, таһаҕас таһыытыгар сылдьар олус хоһуун улэһит этэ. Икки кэргэниттэн 5 о5олоох: Акулина, Анна, Надежда, Роман уонна Розалия. Уола Роман эдэригэр ыалдьан өлбутэ. Акулина уонна Надежда Дьокуускай куоракка олохсуйбуттара. Анна Эбээн-бытантай улууһун Саккырыыр нэһилиэгэр, Розалия Уус-Алдан улууһун Чэриктэй нэһилиэгэр олохсуйбуттара. Мин кыра кыыһын Розалия сиэнэ буолабын.

 

 

 

Автор: Куликов Н., 6 класс