Сидорова Мария Ивановна (1920-2017 гг.)

 

Мин, Сидорова Мария Ивановна. 1929 сыллаахха Арыылаах нэhилиэгэр “3 пятилетка» колхозка дьадаҥы дьиэ кэргэҥҥэ төрөөбүтүм.

Мин сэрии тулаайаҕабын. Икки бииргэ төрөөбүт убайдарым сэрии саҕаланаатын кытта 1941 сыллаахха балаҕан ыйыгар сэриигэ барбыттара. Мин кыра убайбынаан Хабырыыстыын тулаайах хаалбыппыт. Балаҕаммыт аанын баттатан баран ыал устун сырыттахпытына, миигин Арыылаах нэһилиэгин Советын председателэ Павлов Елиферий Тойбохой детдомугар балаҕан ыйыгар 1941 сыллаахха киллэрбитэ. Ол бириэмэҕэ детдом директорынан Кривошапкин Семен Гаврильевич улэлээбитэ. Кини тас көрүҥэ сүрдээх тыйыс, кытаанах этэ. Оҕону мөҕөн-этэн көрбөт, аһара буруйу оҥордохпутуна тарбаҕынан тыгар идэлээх этэ.

Арай биирдэ остолобуойга дьуһуурунайдыы сылдьан чааскыны үлтү түһэрбитим киллэрдилэр.

Киэһэтигэр лаампа тааһын сото туран алдьаппыппар дириэктэргэ куттана турдахпына “Бу кыыс хайдах сэрэммэккин?” диэн баран суускэ тыкта, ол кэннэ “үлэҕин толор” диэтэ.

Оҕолору барыны бары сатыырга үөрэтэрэ, оннооҕор маҥан таҥаһынан ыһыахха анаан бэйэбитигэр вышивкалатан былааччыйа тиктэрэрэ. Былыргы куһаат атыыылаһан бысталаан биэрэрэ. Хас да сыл аһыыр аспытын, таҥнар таҥаспытын хаһаанар этэ, ону ысталаабыттара. Ол курдук үчүгэй киһи этэ. Кини 1944 сыллаахха доруобуйатынан уурайбыта. Үлэтиттэн уурайан баран сайын ыһыахха биһигини көрө кэлэн баран таҥаспыт-саппыт мөлтөөбүтүн көрөн баран улаханнык хомойон турардаах. Мин детдомҥа 42-с оҕонон киирбитим, детдомтан 1947 сыллаахха сайын тахсыбытым. Оҕолор бары олус иллээх дьиэ кэргэн буолан иитиллибиппит.

1947 сыллаахха 3 ыйдаах ветеринарнай курсу бүтэрэн баран Сунтаардааҕы ветлабораторияҕа санитардыы сырыттахпына, Дьаархан бөһүөлэгэр ветеринарнай фельшеринэн улэлии ыыппыттара. Онтон 1954 сыллаахха Бүлүүчээннээҕи ветучаастакка сэбиэдиссэйинэн үлэҕэ анаабыттара. 1964 сылтан Бүлүүчээннээҕи ясля-саадка санитаркалаабытым. Онтон 1972 сылтан пенсияҕа тахсыахпар дылы библиотекаҕа уборщицалаабытым.

Бэйэм 7 оҕолоохпун уонна 4 тулаайах оҕолору иитэммин үлэһит дьон оҥортоотум.

 

 

 

 

Автор: А.А.Сыромятникова