Сибирякова Варвара Егоровна

Хос эбэм Сибирякова Варвара Егоровна Орто Халыма, Хатыннаах боhуолэгэр 1925с кулун тутар 6 күнүгэр «Таалалаах» диэн сиргэ Третьяковтар Анастасия Гавриловна, Егор Титович дьиэ кэргэнигэр төрдүс оҕонон төрөөбүт.

Оҕо сааhа «Чороохтоох» диэн сиргэ ааспыт. Аҕата 7 саастааҕар сир дойдуттан барбыт. Оскуолаҕа 9 сааhын ааhан баран, 1934с Дирин Күөл оскуолатыгар киирбитэ. Алтыс кылааhы бүтэрэрн баран, сэрии ыар олоҕуттан оҕустаран ситэри үөрэммэтэҕэ. Ол кэмҥэ ас-таҥас кырыымчык, эмп-том суох буолан бэрт кыhалҕалаахтык сүөhү ииттэн, уу бултун бултаан иитиллэн олорбуттар.

Оччолорго 10 саастаах оҕолор улахан дьону кытта тэҥҥэ үлэлииллэрэ. Ол курдук хос эбэм Варвара 14 сааhыгар ыанҥьыксыт үлэтигэр соҕотоҕун улэлиир. Хас да сыл субуруччу үлэлээбитин кэннэ, сылгы иитиитигэр «Чаран» диэн учаастакка улэлии ыыталлар. Үс сылы быhа үлэ кытаанаҕын көрсүбүтэ.

1945с олоҕун аргыhын Петр Михайлович Сибирякову көрсөн 1947с ыал буоланнар сэттэ оҕону күн сирин көрдөрөллөр.

Эбэм сылгы иитиитигэр үлэлээн үчүгэй көрдөрүүлээх буолан 2 убаhынан бэриэмийэлэммитэ, грамотанан наҕараадаламмыта.

1948с. хос эбэм, эhэм үлэлэригэр үчүгэй көрдөрүүлэрин иhин «1941-1945сс. үлэҕэ килбиэнин иhин» наҕараадаламмытара.

Кэнники кэмҥэ эбэм үүт сыаҕар үлэлиир, онтон пенсияҕа тахсан баран, оҕо тэрилтэтигэр, оскуолаҕа хочуол оhоҕу оттооччунан, саhыл ферматыгар поварынан, ол быыhыгар андаатыр тириитин танастыыра, дьиэтигэр сүөhүтүгэр сылдьара.

Сэрии ыар кэмнэригэр туохтан да толлубакка, эйэлээх-дьоллоох олох туhугар туох баар сыратын биэрэн үлэлэспитэ.

Мин хос эбээбинэн киэн туттабын. Хос эбэм, элбэх мэтээлинэн «За доблестный труд в Великой Отечественной войне 1941-1945г», «За долгий добросовестный труд» уонна да атын наҕараадалардаах. Түүлээх танастааhыныгар үрдүк көрдөрүүтүн иhин Москва куоракка ВДНХ-ҕа баран кэлтэ. Саамай улахан наҕараадата Сталин төбөлөөх орден, сэрии сылларыгар үлэ тыылыгар сүөhугэ үлэтин иhин.

Эбэм 7 оҕоттон — 20 сиэннэммитэ, 28 хос сиэн, 8 хос-хос сиэннэрдээх.

Хос эбэм, Варвара Егоровна, үрдүк аата биhиги сүрэхпитигэр орүү сырыдык сулус буолан олохпут суолун сырдатыа.

Автор: М.Жураева, ученица 3 класса.