Шадрина Прасковья Еремеевна (05.04.1935 — 25.02.2022)

 

Мин эбэм үлэ, тыыл бэтэрээнэ Шадрина Прасковья Еремеевна 1935 сыллаахха муус устар 5 күнүгэр Бүлүү улууһун Хампа дэриэбинэтигэр төрөөбүтэ. Бииргэ төрөөбүт үһүөлэр. Эбэбит игирэлэр.

Эбэм кэпсээнинэн, сэрии кэмигэр фроҥҥа сылдьааччыларга куобах тириитин имитиһэн, үтүлүк тигэн ыыталлара. Ол саҕанааҕы оҕолор, сааһын, эр дьон суох буолан оҕуһунан эбэтэр атынан сир хоруттаран бурдук ыһыытыгар көмөлөһөллөрэ. Суорунаҕа бурдук мэлийэр этибит диэн кэпсээччи. Ынах ыабыт үүттэрин эрийтэрэн арыы охсоллор уьу, арыыны суулаан фроҥҥа ыыталлар эбит. Дэриэбинэҕэ эр киһи аҕыйах буолан муус ылааһыныгар, мас мастааһыныгар илии атах буолан көмөлөһөллөр эбит. Сайынын от оттооһунугар, от аннын харбааһыныгар үлэлэһэллэрэ. Күһүнүн муҥхаҕа эмээхситтэр, кырдьаҕас оҕонньоттор уонна оҕолор буолан кыһыннарын туораарылар, тахсан эбэлэригэр балыктаан киирэллэр эбит. Кустаан, балыктаан эмиэ кэһии гынан фроҥҥа ыыталлара. Идэһэ диэн биир эмит ыалга баар буолара, ону үллэстэн бэйэ-бэйэлэригэр бэрсэн күүс-сэниэ ылаллара. Сут дьыллар буолан сахалары булт аһа быыһаабыта.

Мин эбэм Хаҥалас улууһун Нөмүгү нэһилиэгин оскуолатыгар алын сүһүөх уонна ырыа уруогун учууталынан үлэлээбитэ. Эһэбинээн Степан Сергеевичтыын 5 оҕолоохторуттан мин аҕам төрдүстэрэ. Биэс ыанар ынахтаахтара, сибиинньэ, куурусса  иитэллэрэ. Сайын аайы бары дьиэ кэргэнинэнт от оттууллара. Эбэм илиинэн от охсууга улуус хас да төгүллээх чемпионката. Ыаммыт үүттэрин үүт сыаҕар туттаран элбэх оҕолоох ыал эбии харчы оҥостоллоро.

2022 сыллаахха олунньу 25 күнүгэр 87 сааһыгар күн сириттэн барбыта.

 

Автор: Т.Шадрина,  3 «Б» кылаас үөрэнэччитэ