Шадрина Федора Николаевна

Дата рождения: 1921-08-05
Место рождения: Тюгясирский наслег (Саккырыыр)
Место работы: Райсовет Соттинцы, колхоз Усть-Алданский район
Должность: Машинистка в райсовете, медсестра в колхозе

Шадрина Федора Николаевна элбэх оҕолоох ийэ, тыыл уонна үлэ ветерана. 1938 с. 7 кылаастаах Саккырыыр оскуолатын бутэрбитэ. Педагогическай училищеҕа эбээн тылын үөрэтэр учууталлары бэлэмниир салааҕа киирбитэ. 2 курсу бүтэрэллэригэр аан дойдуну аймаабыт Аҕа дойду Улуу сэриитэ саҕаламмыта. Олох ыараабыта. Хотуттан сылдьар студеннары дойдуларыгар төннөргө күhэллибиттэрэ. Федора Уус-Алдан Суотту нэhилиэгэр билэр дьонугар тахсыбыта. Онно сырыттаҕына Федор Петрович Татаринов диэн Суотту детдомугар учуталлыыр киhи эдэр кыыhы таба көрөн кэргэн ылаары сурук биэрэр. 1943 Федор Петрович доруобуйата мөлтөн өлөр, оттон Федора ыарахан хаалар. 23.04.1943 кыыс оҕолонор, Люба диэн ааттыыр. Кыhыл оҕо көтөҕүлээх секретарь машинистканан райсоветка үлэлии киирэр. Уонна медсестра курсугар үөрэнэ киирэр, колхозтарга көмөлөhөр. Онтон үөрэҕин бүтэрэн патронаж-медсестраннан үлэлиир. 16.10.1946 “Аҕа дойду Улуу сэриитин кэмигэр килбиэннээх үлэлин иhин” мэтээли райсовет председателя туттарбыта. 1.09.1948 Дүпсүн участковай балыаhатыгар медсетраннан ананар. 8.11.1948 олоҕун аргыhын Сивцев Михиал Евстафьевичи кытта ыал буолаллар. 8 оҕолоноллор. Федора Николаевна 25 сыл медсестраннан үлэлээбитэ. 1972 с. Дьоккускайга көhөн киирбиттэрэ. 1972-1982 c. Саха Государственнай Университетка уборщицаннан үлэлээбитэ.
Федора Николаевна наҕыраадалара: Медаль “За доблестный и самоотверженный труд в ВОВ” (16.10.1946),
Медаль Материнства 2-й степени (30.07.1956), Медаль Материнства 1-й степени (28.05.1958), Орден “Материнская слава” 3 степени (25.05.1960),
Орден “Материнская слава” 2 степени (8.07.1961),
Орден “Материнская слава” 1-й степени (04.12.1965),
Медаль “30 лет Победы (1975),
Медаль “40 лет Победы” (1985),
Медаль “Ветеран труда” (1991),
Медаль “50 лет Победы” (1995),
Знак “Ветеран тыла” (1995).
1998 с. кэргэнинэн Михаил Евстафьевичы кытта 50 сыл олорбуттарын “Кыhыл көмүс сыбаайба” самаай чугас дьонун кытта бэлиэтээбиттэрэ. Федора Николаевна Ийэ аатын чиэстээхтик толорон, 8 оҕону төрөтөн, улаатыннарбыта.

Автор: Сивцева Сивцева Светлана