Сергеев Александр Васильевич

Место рождения: Мэгэдьэк

Место работы: Школа

Должность: Учитель

Айылҕаттан айдарыылаах учуутал.

Биһиги хос эһээбит,эбээбит Людмила Александровна Попова аҕата, Сергеев Александр Васильевич 1918 сыллаахха  Ньурба оройуонун  Мэҥэдьэк нэьилиэгэр (Хатыы) күн сирин көрбүтэ.

Александр Васильевич начальнай оскуоланы Хатыыга, 7 кылааһы Маалыкайга,орто оскуоланы Ньурбаҕа үөрэнэн бутэрбит.

1938 сыллаахха кэтэхтэн Бүлүүтээҕи педагогическай училищены бутэрэн ликбезкэ, улахан дьону үөрэхтээһиҥҥэ ,учууталлаабыт.

Онтон Чаппандаҕа сыл аҥара, Ньурба5а 1 сыл, сэрии кэмигэр 6 сыл Өлөөн Ээйигэр , Ньурбаҕа Улахан Күөлгэ 2 сыл, Хатыыга 31 сыл   ,барыта холбоон 42 сыл алын  кылаас учууталынан ситиһиилээхтик үлэлээбитэ.

1939 сылтан бүттүүн үөрэхтээһини киллэрэр саҕана уонна   Аҕа дойду сэриитин кэмнэригэр Өлөөн оройуонугар начальнай оскуолаҕа учууталлаабыт. Ийэ  дойдутун олус ыарахан кэмнэригэр бэйэтин үлэтин таһынан  Өлөөҥҥө фроҥҥа көмөлөһөн  балыктааһыҥҥа көхтөөх кыттыыны ылбыт. Кыайыы туһугар тыылга бэриниилээх үлэтэ  1945 с.«Аҕа дойду сэриитин саҕана килбиэннээх үлэтин иһин» мэтээлинэн бэлиэтэммитэ.

Саха Республикатын Ньурба оройуонугар Сергеевтэр учуутал утумнарын төрүттээччи Сергеев Александр Васильевич төрөөбүт түбэтин, Мэҥэдьэк нэһилиэгин, үүнэр көлүөнэтэ үөрэх-сайдыы суолун тутуһарыгар дьоһуннаах  олук уурсубут үтүөлээх.

Биһиги хос эһээбит саха интеллегенциятын биир чаҕылхай бэрэстэбиитэлин быһыытынан төрөөбүт дойдутун сайдыытыгар,нэһилиэнньэни бүттүүн үөрэхтээһиҥҥэ туох баар билиитин-көрүүтүн,өйүн-санаатын барытын ууран үлэлээбит дьоннортон биирдэстэрэ этэ. Кини үөрэппит оҕолоруттан учуонайдар, РФ Үтүөлээх: учууталлара,быраастара,норуот хаһаайыстыбатын үлэһиттэрэ ,араас эйгэ үлэтин туйгуннара буолбуттар үгүстэр.

Биһиги тапталлаах хос эһээбит ,Александр Васильевич Сергеев,  400 -тэн тахса сыл стажтаах учуутал династиятын төрүттээччи  буоларынан бары киэн туттабыт.Бу буолар, тус холобурунан иитэн-такайан, судургута суох эрээри ханнык да идэлэртэн киһи -аймахха ураты туһалаах идэни утумнааһыны төрүттээһин.

Автор записи: Д.А.Попова